ബേലൂര് മഖ്ന മണ്ണുണ്ടി വനമേഖലയില്; ആന അക്രമാസക്തനാകാന് സാധ്യതയെന്ന് ഡിഎഫ്ഒ
വയനാട്: പടമല ചാലിഗദ്ദയിലെ കര്ഷകന് പനച്ചിയില് അജീഷിനെ കൊലപ്പെടുത്തിയ ബേലൂര് മഖ്നയെന്ന കാട്ടാനയെ മയക്കുവെടി വയ്ക്കാനുള്ള ദൗത്യം ആരംഭിച്ചു. ആന മണ്ണുണ്ടി വനമേഖലയില് തുടരുകയാണ്. ദൗത്യസംഘം വനത്തിനുള്ളില് ആനയെ കണ്ടെങ്കിലും മറ്റ് ആനകള് കൂടെ ഉള്ളതിനാല് വെടിവയ്ക്കുക ദുഷ്കരമാണെന്നാണ് റിപ്പോര്ട്ട്. സാഹചര്യം അനുകൂലമായാല് ഉടന് മയക്കുവെടി വയ്ക്കും. ഏറുമാടത്തിനു മുകളില് കയറി വെടിവയ്ക്കാനാണ് ശ്രമമെന്ന് ഡിഎഫ്ഒ മാര്ട്ടിന് ലോവല് അറിയിച്ചു. വനംവകുപ്പിലെ ഉന്നത ഉദ്യോഗസ്ഥര് ബാവലിയില് യോഗം ചേരുകയാണ്.
വനം വകുപ്പിലെ 15 ടീമുകളും പൊലീസിലെ മൂന്നു ടീമും ദൗത്യത്തില് പങ്കെടുക്കും. കുങ്കിയാകളുടെ സാന്നിധ്യത്തിലാകും കാട്ടാനയെ വെടിവയ്ക്കുക. ആന അക്രമാസക്തനാകാന് സാധ്യതയുണ്ടെന്നും ഡിഎഫ്ഒ പറഞ്ഞു.വെടിവയ്ക്കുന്ന ആളിനു നേരെ ആന പാഞ്ഞടുക്കാനുള്ള സാധ്യത കൂടുതലാണ്. അതിനാലാണ് ഏറുമാടത്തിനു മുകളില്നിന്ന് വെടിവയ്ക്കാന് തീരുമാനിച്ചതെന്നും ഡിഎഫ്ഒ വ്യക്തമാക്കി.
മണ്ണുണ്ടിയിലെ ആദിവാസി കോളനിക്കു പിന്നിലായാണ് നിലവില് ആനയുള്ളത്. റേഡിയോ കോളറില്നിന്ന് ദൗത്യസംഘത്തിന് സിഗ്നല് ലഭിക്കുന്നുണ്ട്. ഉച്ചയ്ക്ക് മുന്പ് മയക്കുവെടി വയ്ക്കാനാകുമെന്നാണ് നിലവില് പ്രതീക്ഷിക്കുന്നത്. കാട്ടാനയെ പിടിക്കാനുള്ള ദൗത്യം ഞായറാഴ്ചയും തുടര്ന്നെങ്കിലും വെടിവയ്ക്കാന് പറ്റിയ സാഹചര്യത്തില് കണ്ടെത്താനായില്ല. കഴിഞ്ഞ ദിവസം ദൗത്യം നിര്ത്തിവച്ചതിനെതിരെ നാട്ടുകാര് പ്രതിഷേധിച്ചതു സംഘര്ഷാവസ്ഥയുണ്ടാക്കി. വയനാട്ടിലെ രൂക്ഷമായ വന്യമൃഗശല്യത്തിനു പരിഹാരം ആവശ്യപ്പെട്ട് ഫാര്മേഴ്സ് റിലീഫ് ഫോറം നാളെ ജില്ലയില് ഹര്ത്താലിന് ആഹ്വാനം ചെയ്തിട്ടുണ്ട്. പ്രദേശത്തെ സ്കൂളുകള്ക്ക് ഇന്ന് അവധി പ്രഖ്യാപിച്ചു.
RELATED STORIES
ഒമാന് എ ഡിവിഷന് ക്രിക്കറ്റില് ഇനി മലയാളിത്തിളക്കം
8 May 2024 2:17 PM GMTഅബ്ദുറഹീമിന്റെ മോചനത്തില് പ്രതിസന്ധി; അഭിഭാഷകന് ഒരു കോടി നല്കണം
8 May 2024 5:37 AM GMTഖത്തര് ജയിലിലെ ഇന്ത്യക്കാരുടെ മോചനം; തടവുകാര് കൂട്ടനിരാഹാര...
7 May 2024 2:41 PM GMTഉംറ നിര്വഹിക്കുന്നതിനിടെ കണ്ണൂര് സ്വദേശിനിയായ യുവതി മക്കയില്...
6 May 2024 10:08 AM GMTഅബൂദബിയില് കാണാതായ ചാവക്കാട് സ്വദേശിയെ മരിച്ച നിലയില് കണ്ടെത്തി
3 May 2024 3:01 PM GMTഇന്ത്യൻ ഇസ്ലാഹി സെന്റർ ഇന്റർനാഷനൽ എക്സിബിഷൻ ജിദ്ദയിൽ
3 May 2024 12:23 PM GMT