ഗര്ഭിണിയെ കൊന്ന് കായലില് തള്ളിയ കേസില് കാമുകനും പെണ്സുഹൃത്തും കുറ്റക്കാര്
ആലപ്പുഴ: കൈനകരിയില് ഗര്ഭിണിയായ യുവതിയെ കൊന്ന് കായലില് തള്ളിയ കേസിലെ പ്രതികള് കുറ്റക്കാരെന്ന് കണ്ടെത്തി. പ്രതിയായ യുവാവിനും പെണ്സുഹൃത്തിനുമുള്ള ശിക്ഷ ആലപ്പുഴ അഡീഷണല് ജില്ലാ സെഷന്സ് കോടതി തിങ്കളാഴ്ച വിധിക്കും. പുന്നപ്ര തെക്കേമഠം വീട്ടില് അനിതാ ശശിധരനെയാണ് (32) കാമുകന് മലപ്പുറം നിലമ്പൂര് മുതുകോട് പൂക്കോടന് വീട്ടില് പ്രബീഷും പെണ്സുഹൃത്ത് കൈനകരി പഞ്ചായത്ത് 10-ാം വാര്ഡില് തോട്ടുവാത്തല പടിഞ്ഞാറു പതിശ്ശേരി വീട്ടില് രജനിയും ചേര്ന്നു കൊലപ്പെടുത്തിയത്. പള്ളാത്തുരുത്തിക്ക് സമീപം ആറ്റില് അജ്ഞാത മൃതദേഹം കണ്ടെത്തിയ സംഭവമാണ് അന്വേഷണത്തില് അരും കൊലയെന്ന് തെളിഞ്ഞത്. 2021 ജൂലൈ ഒന്പതിനാണ് സംഭവം.
വിവാഹിതനായ പ്രബീഷ് ഒരേ സമയം വിവാഹിതരായ അനിതയും രജനിയുമായി അടുപ്പത്തിലായിരുന്നു. അനിത ഗര്ഭണിയായതിന് പിന്നാലെ ഒഴിവാക്കാന് ശ്രമിച്ചെങ്കിലും വിജയിച്ചില്ല. പാലക്കാട് ആലത്തൂരിലെ ഒരു ഫാമില് ജോലി ചെയ്യുകയായിരുന്ന അനിതയെ ജൂലൈ ഒന്പതാം തീയതി ആലപ്പുഴയിലേക്ക് വിളിച്ചു വരുത്തി. കെഎസ്ആര്ടിസി ബസ് സ്റ്റാന്ഡില് വന്നിറങ്ങിയ അനിതയെ ഓട്ടോയില് രജനിയുടെ കൈനകരിയിലെ വീട്ടിലെത്തിച്ചു. ശേഷം അനിതയെ പ്രബീഷ് കഴുത്തില് കത്തി വെച്ച് ഭീഷണിപ്പെടുത്തി.
നിലവിളി പുറത്തേക്ക് കേള്ക്കാതിരിക്കാന് രജനി വായും മൂക്കും അമര്ത്തിപ്പിടിച്ചു. ബോധരഹിതയായ അനിത കൊല്ലപ്പെട്ടു എന്നു കരുതി ഇരുവരും ചേര്ന്നു പൂക്കൈത ആറ്റില് ഉപേക്ഷിച്ചു എന്നാണ് പോലിസിന്റെ കണ്ടെത്തല്. കേസ് വേഗത്തില് അന്വേഷിച്ച് തൊണ്ണൂറ് ദിവസത്തിനുള്ളില് കുറ്റപത്രം സമര്പ്പിച്ചു. വിചാരണ വേളയില് 82 സാക്ഷികളെ വിസ്തരിച്ചു. രജനിയുടെ അമ്മയും പ്രോസിക്യൂഷന് അനുകൂലമായി മൊഴി നല്കി. നിലവില് മയക്കുമരുന്നു കേസില് ഒഡിഷയില് ജയിലുള്ള രജനിയെ നേരിട്ട് ഹാജരാക്കാന് കോടതി ആവശ്യപ്പെട്ടിരിക്കുകയാണ്.