ഇന്ത്യക്കാരെ ചങ്ങലയ്ക്കിട്ട വീഡിയോ പുറത്തുവിട്ട് യുഎസ് അധികൃതര്‍ (വീഡിയോ)

വാഷിങ്ടണ്‍: യുഎസില്‍ അനധികൃതമായി പ്രവേശിച്ചതിന് പിടികൂടിയ ഇന്ത്യക്കാരെ ചങ്ങലയ്ക്കിട്ടതിന്റെ വീഡിയോദൃശ്യങ്ങള്‍ പുറത്തുവിട്ട് യുഎസ് ബോര്‍ഡര്‍ പട്രോള്‍. ''സൈനികവാഹനം ഉപയോഗിച്ച് ഏറ്റവും ദൂരെയുള്ള നാടുകടത്തല്‍ ദൗത്യം പൂര്‍ത്തിയാക്കി. അനധികൃതരായ വിദേശികളെ വിജയകരമായി ഇന്ത്യയിലേക്ക് തിരിച്ചയച്ചു.

കുടിയേറ്റ നിയമങ്ങള്‍ നടപ്പിലാക്കുന്നതിനുള്ള ഞങ്ങളുടെ പ്രതിബദ്ധത ഈ ദൗത്യം അടിവരയിടുന്നു''- യുഎസ് ബോര്‍ഡര്‍ പട്രോള്‍ മേധാവി മൈക്കിള്‍ ഡബ്ല്യു വാങ്ക്‌സ് സാമൂഹിക മാധ്യമമായ എക്‌സില്‍ പങ്കുവച്ച പോസ്റ്റില്‍ പറഞ്ഞു. ഇന്ത്യക്കാരോട് ട്രംപ് ഭരണകൂടം മോശമായി പെരുമാറില്ലെന്ന പ്രചരണം കേന്ദ്രസര്‍ക്കാരും സംഘപരിവാരവും ശക്തമാക്കിയിരിക്കെയാണ് വീഡിയോ പുറത്തുവന്നിരിക്കുന്നത്.