ഇറാന്റെ വെടിവയ്പ്പ് ഭീഷണി; കാണാതായ പൈലറ്റിനെ രക്ഷിക്കാനുള്ള യുഎസ് ദൗത്യം ആശങ്കയില്
ഇറാന് ആക്രമണ ഭീതി മൂലം കാണാതായ പൈലറ്റിനെ രക്ഷിക്കാനുള്ള യുഎസ് ദൗത്യ സംഘം ആശങ്കയിലെന്ന് റിപോര്ട്ട്. കാണാതായ യുഎസ് പൈലറ്റിനെ രക്ഷിക്കാനുള്ള ശ്രമങ്ങള് 'വെല്ലുവിളി നിറഞ്ഞതായിരിക്കും' എന്ന് ലണ്ടനിലെ കിംഗ്സ് കോളജിലെ വിസിറ്റിംഗ് ലക്ചററായ സാമി പുരി പറയുന്നു. ദൗത്യ സംഘം ഇറാനിയന് വെടിവയ്പ്പ് ഭീഷണിയെ നേരിടുന്നതായും അദ്ദേഹം പറഞ്ഞു.
'ഒരു വലിയ പ്രദേശത്തെ പര്വതപ്രദേശങ്ങളില് വെടിവച്ചിട്ട F-15E യില് നിന്ന് ഒരു ക്രൂ അംഗത്തെ തിരയുന്നത് ദുഷ്കരമാണ്. ഭൂമിശാസ്ത്രപരമായി ഈ പ്രദേശത്തെ പൂര്ണമായും ഉപഗ്രഹങ്ങള്ക്കോ മറ്റു ആധുനിക സംവിധാനങ്ങള്ക്കോ പകര്ത്താന് കഴിയില്ല'. പുരി അല് ജസീറയോട് പറഞ്ഞു.
കാണാതായ പൈലറ്റിനെ കൃത്യമായി കണ്ടെത്താന് യുഎസ് സേന വളരെ താഴേക്ക് പറക്കേണ്ടിവരുമെന്നും അത് അവര്ക്ക് അപകടസാധ്യത വര്ദ്ധിപ്പിക്കുമെന്നും അദ്ദേഹം പറഞ്ഞു.
'ഇതില് പലതിനും കൂടുതല് ഇറാന്റെ വെടിവയ്പ്പ് ഭീഷണിയിലൂടെ കടന്നുപോകേണ്ടിവരുന്നു. വിമാനം താഴന്ന് പറന്ന് തിരച്ചില് നടത്തേണ്ടതുണ്ട്. ഇറാനെ സംബന്ധിച്ചിടത്തോളം, മൂന്നാമത്തെ അമേരിക്കന് വിമാനത്തെ വേഗത്തില് വെടിവയ്ക്കാന് ഇത് സഹായകമാകും' അദ്ദേഹം പറഞ്ഞു.