യുഎഇയിലേക്ക് 11 ഉം ജോര്ദാനിലേക്ക് അഞ്ചും മിസൈലുകള്; ആക്രമണം തുടര്ന്ന് ഇറാന്
പശ്ചിമേഷ്യയിലെ യുഎസ് സൈനിക കേന്ദ്രങ്ങളേ ലക്ഷ്യമിട്ടുള്ള ഇറാന്റെ ആക്രമണം തുടരുന്നു. ഇറാനില് നിന്ന് ഇന്ന് വിക്ഷേപിച്ച 27 ഡ്രോണുകളും 11 ബാലിസ്റ്റിക് മിസൈലുകളും തടഞ്ഞതായി യുഎഇ പ്രതിരോധ മന്ത്രാലയം അറിയിച്ചു. യുദ്ധം ആരംഭിച്ചതിനുശേഷം, 1,941 ഡ്രോണുകളും 15 ക്രൂയിസ് മിസൈലുകളും 425 ബാലിസ്റ്റിക് മിസൈലുകളും യുഎഇ തടഞ്ഞതായി അല് ജസീറ റിപോര്ട്ട് ചെയ്തു.
കഴിഞ്ഞ 24 മണിക്കൂറിനുള്ളില് ജോര്ദാനിലെ യുഎസ് സൈനിക കേന്ദ്രങ്ങള് ലക്ഷ്യമാക്കി എത്തിയ അഞ്ച് മിസൈലുകളും 1 ഡ്രോണും തകര്ത്തതായി പ്രാദേശിക മാധ്യമങ്ങള് റിപോര്ട്ട് ചെയ്തു. അവശിഷ്ടങ്ങള് വീണു ഒരു സ്ത്രീക്ക് പരിക്കേറ്റതായി റിപ്പോര്ട്ടില് പറയുന്നു.