കോഴിക്കോട്: പൂനൂര് ഉണ്ണികുളം പഞ്ചായത്തിലെ കാന്തപുരത്ത് രണ്ട് കുട്ടികള് മുങ്ങിമരിച്ചു. അലങ്ങാപ്പൊയിലില് അബ്ദുല് റസാഖിന്റെ മകന് മുഹമ്മദ് ഫര്സാന് (9), മുഹമ്മദ് സാലിയുടെ മകന് മുഹമ്മദ് അബൂബക്കര് (8) എന്നിവരാണ് മരിച്ചത്. വീടിന് 100 മീറ്ററോളം അകലെയുള്ള കുളത്തില്നിന്നാണ് ഇരുവരുടേയും മൃതദേഹം കണ്ടെടുത്തത്. ചൊവ്വാഴ്ച വൈകീട്ട് നാല് മണിയോടെയാണ് കുട്ടികളെ കാണാതായത്. വൈകീട്ട് ഏഴുമണിയോടെ തിരച്ചില് നടത്തുന്നതിനിടയിലാണ് കുട്ടികളുടെ മൃതദേഹം കുളത്തില് കണ്ടെത്തിയത്.