ഹോര്മുസ് കടലിടുക്ക് വഴി കൂടുതല് കപ്പലുകള് കടന്നുപോകുന്നതായി ട്രാക്കിംഗ് ഡാറ്റ
യുദ്ധം തുടങ്ങിയതിന് ശേഷം കഴിഞ്ഞ കുറച്ച് ദിവസങ്ങളിലായി ഹോര്മുസ് കടലിടുക്ക് വഴി കൂടുതല് കപ്പലുകള് കടന്നുപോകുന്നതായി സമുദ്ര രഹസ്യാന്വേഷണ സ്ഥാപനമായ വിന്ഡ്വാര്ഡ്. നിര്ണായക ജലപാതയിലൂടെയുള്ള ഗതാഗതങ്ങളുടെ എണ്ണം ബുധനാഴ്ച 16 ആയി വര്ദ്ധിച്ചു - തുടര്ച്ചയായ മൂന്നാമത്തെ ദൈനംദിന വര്ദ്ധനവ്.
16 കപ്പലുകളും ലാരക് ദ്വീപ് വഴിയുള്ള ഒരു പാത ഉപയോഗിച്ചു. കൂടുതല് രാജ്യങ്ങള് 'കപ്പലുകള് കടത്തിവിടാനായി ഇറാനുമായി ചര്ച്ച നടത്തുന്നുണ്ടെന്നും' 'വരും ദിവസങ്ങളില് കപ്പലുകളുടെ എണ്ണം വര്ദ്ധിക്കാന് സാധ്യതയുണ്ടെന്നും' വിന്ഡ്വാര്ഡ് പറഞ്ഞു.
ഫെബ്രുവരി 28ന് ഇസ്രായേല്-യുഎസ് സംയുക്ത സേന ഇറാന് ആക്രമിക്കുന്നതിന് മുമ്പ് ഹോര്മുസ് വഴി പ്രതിദിനം 130 കപ്പലുകള് കടന്നു പോയിരുന്നു. യുദ്ധം തുടങ്ങിയതോടെ ഇറാന് തന്ത്രപ്രധാനമായ ഈ പാത പൂര്ണമായും അടച്ചു. തുടര്ന്ന് സൗഹൃദ രാജ്യങ്ങള്ക്ക് മാത്രം നിയന്ത്രിതമായ തോതില് തുറന്ന് കൊടുക്കുകയായിരുന്നു. യുഎസ്-ഇസ്രായേല് സൗഹൃദ രാജ്യങ്ങള്ക്ക് ഇപ്പോഴും ഹോര്മുസ് വഴിയുള്ള ഗതാഗതത്തിന് ഇറാന്റെ അനുമതിയില്ല.