''എണ്ണാന്‍ കഴിയുന്നത്ര എടുത്തോളൂ'' ജീവനക്കാര്‍ക്കായി 95 കോടി രൂപ മേശപ്പുറത്ത് കൂട്ടിയിട്ട് ചൈനീസ് കമ്പനി (video)

ബീജിങ്: ജീവനക്കാര്‍ക്ക് 95 കോടി രൂപ ബോണസായി നല്‍കി ചൈനീസ് കമ്പനി. ഇത്രയും പണം മേശയില്‍ ഇട്ട് എണ്ണാന്‍ കഴിയുന്നത്രയും എണ്ണി എടുത്തുകൊള്ളൂയെന്നാണ് ജീവനക്കാര്‍ക്ക് കമ്പനി നിര്‍ദേശം നല്‍കിയത്. പതിനഞ്ചു മിനുട്ടായിരുന്നു പണമെടുക്കാനുള്ള സമയം. ഹെനാന്‍ മൈനിങ് ക്രെയിന്‍ എന്ന കമ്പനിയാണ് ഇങ്ങനെ ബോണസ് നല്‍കിയത്.

ഒരു തൊഴിലാളി ഒരു ലക്ഷം യുവാന്‍ വരെ എണ്ണിയെടുത്തതായി റിപോര്‍ട്ടുകള്‍ പറയുന്നു. തൊഴിലാളികള്‍ക്ക് വന്‍തുകകള്‍ ബോണസായി നല്‍കുന്ന ചൈനീസ് കമ്പനികളില്‍ ഒന്നാണ് ഹെനാന്‍ മൈനിങ് ക്രെയിന്‍ കമ്പനിയെന്ന് റിപോര്‍ട്ടുകള്‍ പറയുന്നു.