ബഹിരാകാശത്ത് കുടുങ്ങിയ സുനിത്യ വില്യംസും സംഘവും ഭൂമിയില് തിരിച്ചെത്തി (വീഡിയോ)
ന്യൂയോര്ക്ക്: കഴിഞ്ഞ ഒമ്പതുമാസമായി അന്താരാഷ്ട്ര ബഹിരാകാശ നിലയത്തിലായിരുന്ന ഇന്ത്യന് വംശജ സുനിത വില്യംസും ബുച്ച് വില്മോറും നിക് ഹേഗും അലക്സാണ്ടര് ഗോര്ബുനോവും ഭൂമിയിലെത്തി.
ഇന്ത്യന് സമയം പുലര്ച്ചെ 3.40 നാണ് ഇവരെ വഹിച്ചുകൊണ്ട് സ്പേസ് എക്സിന്റെ ഡ്രാഗണ് ക്രൂ9 പേടകം ഫ്ളോറിഡ തീരത്തിനു സമീപം അറ്റ്ലാന്റിക് സമുദ്രത്തിലെ ഗള്ഫ് ഓഫ് മെക്സിക്കോയില് (ഗള്ഫ് ഓഫ് അമേരിക്ക)ഇറങ്ങിയത്.
ഇവര് ഇറങ്ങുന്ന സമയത്ത് ഡോള്ഫിനുകള് സമീപത്തെത്തി.
There are a bunch of dolphins swimming around SpaceX's Dragon capsule. They want to say hi to the Astronauts too! lol pic.twitter.com/sE9bVhgIi1
— Sawyer Merritt (@SawyerMerritt) March 18, 2025
കടല്പരപ്പിലിറങ്ങിയ പേടകത്തിനടുത്തേക്ക് ആദ്യമെത്തിയത് നേവി സീലിന്റെ ബോട്ടാണ്. പത്തു മിനിറ്റോളം നീണ്ട സുരക്ഷാപരിശോധനയ്ക്കു ശേഷം പേടകത്തെ എംവി മേഗന് എന്ന റിക്കവറി ഷിപ്പിലേക്കു മാറ്റി. 4.10ന് പേടകത്തിന്റെ വാതില് തുറന്നു. 4.17ന് പേടകത്തിനകത്തുനിന്ന് ആദ്യത്തെ അംഗം കമാന്ഡര് നിക് ഹേഗ് പുറത്തിറങ്ങി. ഇയാള് ചിരിയോടെ ചുറ്റുമുള്ളവരെ അഭിവാദ്യം ചെയ്തു. 4.25 ഓടെ യാത്രികരെ ഓരോരുത്തരെയായി പുറത്തിറക്കി. ഇവരെ പ്രത്യേക സ്ട്രച്ചറില് മെഡിക്കല് പരിശോധനകള്ക്കായി കൊണ്ടു പോയി. ഇവരെ നാസയുടെ ഹൂസ്റ്റണിലെ കേന്ദ്രത്തിലേക്ക് ഹെലികോപ്റ്ററില് കൊണ്ടുപോയി.
ബോയിങ്ങിന്റെ സ്റ്റാര്ലൈനര് പേടകത്തിന്റെ മനുഷ്യനെയും വഹിച്ചുള്ള ആദ്യപരീക്ഷണത്തിന്റെ ഭാഗമായാണ് സുനിതയും ബുച്ചും 2024 ജൂണില് അന്താരാഷ്ട്ര ബഹിരാകാശ നിലയത്തിലേക്ക് പോയത്. ഒരാഴ്ചയ്ക്കുള്ളില് തിരിച്ചുവരുകയായിരുന്നു ലക്ഷ്യമെങ്കിലും സ്റ്റാര്ലൈനറിനുണ്ടായ സാങ്കേതിക തകരാര്മൂലം അതിലുള്ള മടക്കയാത്ര നടന്നില്ല. ഉചിതമായ ബദല്പദ്ധതി തയ്യാറാകുന്നതുവരെ അവര്ക്ക് ഐഎസ്എസില് കഴിയേണ്ടിവന്നു. ഇലോണ് മസ്കിന്റെ സ്പേസ് എക്സുമായി സഹകരിച്ചാണ് നാസ തിരിച്ചുവരവ് സാധ്യമാക്കിയത്.
സുനിതയെയും ബുച്ചിനെയും ടെക്സസിലെ ഹൂസ്റ്റണിലുള്ള നാസയുടെ ജോണ്സണ് സ്പെയ്സ് സെന്ററിലെത്തിച്ച് വൈദ്യപരിശോധനയ്ക്ക് വിധേയരാക്കും. ബഹിരാകാശത്ത് ഗുരുത്വാകര്ഷണമില്ലാതെ ഇത്രനാള് കഴിഞ്ഞ രണ്ടുപേര്ക്കും ഭൂമിയിലെ ഗുരുത്വാകര്ഷണവുമായി വീണ്ടും താദാത്മ്യം പ്രാപിക്കാനുള്ള സഹായങ്ങള് നല്കും.
ബഹിരാകാശ യാത്ര ആരോഗ്യത്തെ ബാധിക്കുമോ?
Full View