കാട്ടാക്കടയില് പ്ലസ് വണ് വിദ്യാര്ഥി സ്കൂളില് തൂങ്ങി മരിച്ച നിലയില്
തിരുവനന്തപുരം: കാട്ടാക്കട കുറ്റിച്ചലില് പ്ലസ് വണ് വിദ്യാര്ഥിയെ സ്കൂളില് തൂങ്ങി മരിച്ച നിലയില് കണ്ടെത്തി. കുറ്റിച്ചല് വൊക്കേഷണല് ഹയര് സെക്കണ്ടറി സ്കൂള് വിദ്യാര്ഥി കുറ്റിച്ചല് എരുമക്കുഴി സ്വദേശി ബെന്സണ് ഏബ്രഹാമാണ് മരിച്ചിരിക്കുന്നത്. ഇന്ന് രാവിലെയാണ് മൃതദേഹം കണ്ടെത്തിയത്.
ഇന്നലെ വൈകുന്നേരം മുതല് വിദ്യാര്ഥിയെ കാണാനില്ലായിരുന്നു. ബന്ധുക്കള് അന്വേഷിക്കുന്നതിനിടെയാണ് മൃതദേഹം കണ്ടെത്തിയത്. സ്കൂളില് പ്രോജക്ട് സബ്മിറ്റ് ചെയ്യേണ്ട ദിവസമായിരുന്നു ഇന്ന്. പോലിസ് സ്ഥലത്തെത്തി ഇന്ക്വസ്റ്റ് നടപടികള് തുടങ്ങി.