ആറ്റിങ്ങല്: ആനച്ചലില് സ്കൂള് ബസ് ഓടയിലേക്ക് മറിഞ്ഞ് വിദ്യാര്ഥിക്ക് പരിക്ക്. വെഞ്ഞാറമൂട് ജ്യോതിസ്സ് സ്കൂളിലെ ബസ് ആണ് അപകടത്തില്പ്പെട്ടത്. കുട്ടികളെ വീടുകളില് തിരികെ കൊണ്ടുവിടാനായി പോകുകയായിരുന്ന സ്കൂള് ബസ് ആണ് അപകടത്തില്പ്പെട്ടത്. ആനച്ചല് ജംഗ്ഷനില് നിന്ന് ഇറക്കം ഇറങ്ങുമ്പോള് എതിരെ വന്ന സ്വകാര്യ ബസ്സിന് സൈഡ് കൊടുക്കുന്നതിനിടയില് സ്വകാര്യ ബസ്സിന്റെ പിന്ഭാഗം സ്കൂള് ബസ്സില് തട്ടുകയായിരുന്നു. പിന്നാലെ സ്കൂള് ബസ് റോഡിന് സമീപത്തെ ഓടയിലേക്ക് മറിഞ്ഞു. ഏഴു കുട്ടികള് ബസ്സില് ഉണ്ടായിരുന്നു.