വാഷിങ്ടണ്: ജന്മാവകാശ പൗരത്വത്തിന് നിബന്ധനകള്വെക്കാനുള്ള യുഎസ് പ്രസിഡന്റ് ഡോണാള്ഡ് ട്രംപിന്റെ തീരുമാനത്തില് ഇടപെടാന് കോടതികള്ക്ക് അധികാരമില്ലെന്ന് സുപ്രിംകോടതി. പ്രസിഡന്റിന്റെ എക്സിക്യൂട്ടീവ് ഉത്തരവുകള് തടയാന് കോടതികള്ക്ക് അധികാരമില്ല. സുപ്രീംകോടതി ബെഞ്ചിലെ ഒമ്പതു ജഡ്ജിമാരില് ആറുപേരും വിധിയെ അനുകൂലിച്ചു.
പ്രസിഡന്റായി അധികാരത്തിലേറി ആദ്യ ദിനംതന്നെ ജന്മാവകാശപൗരത്വത്തിന് നിബന്ധനകള്വെക്കാനുള്ള എക്സിക്യൂട്ടീവ് ഉത്തരവില് ട്രംപ് ഒപ്പിട്ടിരുന്നു. മാതാപിതാക്കളില് ഒരാള്ക്കെങ്കിലും യുഎസ് പൗരത്വമുണ്ടാകണം, അല്ലെങ്കില് സ്ഥിരതാമസത്തിന് നിയമപരമായ അനുമതിയുണ്ടാകണം എന്നായിരുന്നു നിബന്ധന. അങ്ങനെയല്ലാത്തവര്ക്ക് യുഎസില് പിറക്കുന്ന കുഞ്ഞുങ്ങള്ക്ക് ജന്മാവകാശപൗരത്വം ഉണ്ടാവില്ല എന്നാണ് ട്രംപ് ഉത്തരവിട്ടത്.