തൃശൂര്: എരുമപ്പെട്ടി പതിയാരം സെന്റ് ജോസഫ്സ് പള്ളി വികാരിയെ പള്ളിയിലെ കിടപ്പുമുറിയില് തൂങ്ങിമരിച്ച നിലയില് കണ്ടെത്തി. പെരിഞ്ചേരി സ്വദേശിയായ ലിയോ പുത്തൂരാ(32)ണ് മരിച്ചത്. ഇന്ന് ഉച്ചയ്ക്ക് 12.30 യോടെയാണ് മൃതദേഹം കണ്ടെത്തിയത്. ഉച്ചക്ക് 12.30 യോടെ പള്ളിമണിയടിക്കുന്നതിനായി കപ്യാര് വികാരിയെ അന്വേഷിക്കുകയായിരുന്നു. കാണാത്തതിനെ തുടര്ന്ന് കൈക്കാരനെ വിവരമറിയിച്ചു. തുടര്ന്ന് പള്ളിയോടു ചേര്ന്നുള്ള വികാരിയച്ചന്റെ കിടപ്പുമുറിയിലെ ജനലിലൂടെ നോക്കിയപ്പോഴാണ് മൃതദേഹം കണ്ടത്. എരുമപ്പെട്ടി പൊലീസ് സ്ഥലത്തെത്തി മേല് നടപടികള് സ്വീകരിച്ചു. ആറ് വര്ഷം മുന്പാണ് ഫാദര് ലിയോ പുത്തൂര് പട്ടം സ്വീകരിച്ചത്. പതിയാരം പള്ളിയില് വികാരിയച്ചനായി കഴിഞ്ഞ ഒക്ടോബര് 22നാണ് ചാര്ജ്ജെടുത്തത്.