ഡല്‍ഹിയില്‍ 25,000 പോലിസുകാരെ വിന്യസിച്ചു; ജമാമസ്ജിദിന് സമീപം ഫ് ളാഗ് മാര്‍ച്ച് (VIDEO)

ന്യൂഡല്‍ഹി: വെള്ളിയാഴ്ച്ച നമസ്‌കാരവും ഹോളിയും ഒരുമിച്ച് വരുന്ന ഇന്ന് ഡല്‍ഹിയില്‍ 25,000 പോലിസുകാരെ വിന്യസിച്ചു. ഇതിന് പുറമെ വിവിധപ്രദേശങ്ങളില്‍ അര്‍ധസൈനികരെയും വിന്യസിക്കുമെന്ന് ഡല്‍ഹി പോലിസ് അറിയിച്ചു. ഇന്നലെ ഡല്‍ഹി ജമാ മസ്ജിദിന് സമീപവും മറ്റു നിരവധി പ്രദേശങ്ങളിലും പോലിസ് ഫ്ളാഗ് മാര്‍ച്ച് നടത്തി.

ഡല്‍ഹിയിലെ 300 പ്രദേശങ്ങളില്‍ പോലിസ് നിരീക്ഷണം ശക്തമാക്കി. ഇവിടങ്ങളില്‍ ഡ്രോണുകളും മറ്റും വിന്യസിച്ചിട്ടുണ്ട്. കഴിഞ്ഞ രണ്ടു വര്‍ഷങ്ങളില്‍ ഏറ്റവും കൂടുതല്‍ പ്രശ്‌നങ്ങളുണ്ടായ സ്ഥലങ്ങളില്‍ കൂടുതല്‍ ജാഗ്രത പുലര്‍ത്തുമെന്ന് പോലിസ് അറിയിച്ചു.