മുല്ലപ്പെരിയാര് അണക്കെട്ടില് ജലനിരപ്പ് 136 അടിയിലെത്തി; 10 മണിക്ക് തുറക്കും
ഇടുക്കി: മുല്ലപ്പെരിയാര് അണക്കെട്ടിലെ ജലനിരപ്പ് 136 അടിയിലെത്തി. ഇന്ന് രാവിലെ 10 മണിയോടെ ഷട്ടറുകള് തുറന്ന് വെള്ളം ഒഴുക്കും. ഇടുക്കി ജില്ലാ ഭരണകൂടത്തിന് തമിഴ്നാട് ആദ്യ മുന്നറിയിപ്പ് നല്കി. നിലവില് പെരിയാറില് വളരെ താഴ്ന്ന നിലയിലാണ് ജലനിരപ്പുള്ളത്. അതിനാല് ആശങ്കപ്പെടേണ്ട സാഹചര്യമില്ലെന്നാണ് വിലയിരുത്തല്. എന്നിരുന്നാലും മുന്കരുതല് നടപടികള് സ്വീകരിച്ചിട്ടുണ്ട്. 883 കുടുംബങ്ങളെ മാറ്റിപ്പാര്പ്പിക്കുന്നതിനായുള്ള മുന്നറിയിപ്പ് നല്കിയിട്ടുണ്ട്. 20 ദുരിതാശ്വാസ ക്യാമ്പുകളും തുറന്നു.