കോട്ടയം: മലപ്പുറത്തുനിന്നും ഗവിയിലേക്ക് വന്ന കെഎസ്ആര്ടിസി ബസ് യാത്രയ്ക്കിടെ കത്തി നശിച്ചു. 28 യാത്രക്കാരാണ് ബസിലുണ്ടായിരുന്നത്. യാത്രക്കാര്ക്ക് ആര്ക്കും പരുക്കേറ്റിട്ടില്ല. ബുധനാഴ്ച പുലര്ച്ചെ 3.45ഓടെയാണ് മണിമല പഴയിടത്തിനു സമീപത്തായി ബസ് കത്തിനശിച്ചത്. കെഎസ്ആര്ടിസി ബജറ്റ് ടൂറിസത്തിന്റെ ഭാഗമായിട്ടാണ് മലപ്പുറം ഡിപ്പോയില്നിന്നും ചൊവ്വാഴ്ച രാത്രി 9 മണിയോടെയാണ് ബസ് ഗവിയിലേക്ക് പുറപ്പെട്ടത്. കോട്ടയം മണിമല ജംക്ഷന് കഴിഞ്ഞു 3 കി.മീ പിന്നിട്ട് പഴയിടം എത്തുന്നതിനു തൊട്ടുമുന്പാണ് ബസില്നിന്നും പുക ഉയര്ന്നത്. കാഞ്ഞിരപ്പള്ളിയില്നിന്നും അഗ്നിരക്ഷാ സേന എത്തി തീ അണച്ചെങ്കിലും ബസ് പൂര്ണമായും കത്തിനശിച്ചു.