അമ്മ പുഴയിലിട്ട മൂന്നു വയസുകാരന്റെ മൃതദേഹവും കണ്ടെത്തി; ഇന്നായിരുന്നു അമ്മയുടെ സംസ്കാരം
കണ്ണൂര്: പഴയങ്ങാടി ചെമ്പല്ലിക്കുണ്ട് പുഴയില് അമ്മയ്ക്കൊപ്പം കാണാതായ മൂന്നു വയസ്സുകാരന്റെ മൃതദേഹവും കണ്ടെത്തി. റെയില്വേ പാലത്തിന്റെ താഴെ ഭാഗത്തായി പുഴയോട് ചേര്ന്നുള്ള കണ്ടല്ക്കാടുകള്ക്കിടയില് നിന്നാണ് ഇന്ന് വൈകിട്ട് മൂന്നരയോടെ മൃതദേഹം കണ്ടെടുത്തത്. അടുത്തില വയലപ്ര സ്വദേശി എം വി റീമയുടെ (30) മകന് കൃശിവ് രാജിന്റെ (കണ്ണന്) മൃതദേഹമാണ് കണ്ടെത്തിയത്.
ശനിയാഴ്ച അര്ധരാത്രിയാണ് റീമ മകനെയുംകൊണ്ട് പുഴയില് ചാടിയത്. ഞായറാഴ്ച രാവിലെ എട്ടരയോടെ റീമയുടെ മൃതദേഹം കണ്ടെത്തിയിരുന്നു. ഇന്ന് റീമയുടെ സംസ്കാരം നടത്തി.2015ല് ആയിരുന്നു റീമയുടെ വിവാഹം. കഴിഞ്ഞവര്ഷം മാര്ച്ചില് കണ്ണപുരം പൊലീസില് റീമ ഗാര്ഹികപീഡന പരാതി നല്കിയിരുന്നു. റീമയുടെ ആത്മഹത്യക്കുറിപ്പു വീട്ടില്നിന്നു കണ്ടെത്തി. ഇരിണാവ് സ്വദേശിയും പ്രവാസിയുമായ ഭര്ത്താവ് കമല്രാജിന്റെയും മാതാവിന്റെയും പീഡനം മൂലമാണു ജീവനൊടുക്കുന്നതെന്നു കുറിപ്പിലുള്ളതായാണു സൂചന. സംഭവത്തില് പോലിസ് അന്വേഷണം ആരംഭിച്ചിട്ടുണ്ട്.