തെഹ്‌റാന്‍: ഇറാനില്‍ ഇസ്രായേല്‍ വ്യോമാക്രമണം നടത്തിയതിന് പിന്നാലെ ഇറാനിലെ ജാംകരണ്‍ മസ്ജിദില്‍ ചുവന്ന പതാക ഉയര്‍ത്തി. ഇസ്രായേലിനോട് ഇറാന്‍ പ്രതികാരം ചെയ്യുമെന്ന് ഉറപ്പുവരുത്തുന്നതാണ് ഈ നടപടിയെന്ന് റിപോര്‍ട്ടുകള്‍ പറയുന്നു. നീതിയുടെയും പ്രതികാരത്തിന്റെയും ആഹ്വാനമായാണ് ഈ പതാകയെ ഇറാനികള്‍ കാണുന്നത്. ഇതിന് യുദ്ധമായും രക്തസാക്ഷിത്വവുമായും ബന്ധമുണ്ട്.
The red flag of revenge flies over the holy mosque of Jamkaran, Iran 🇮🇷
— Saad Abedine (@SaadAbedine) June 13, 2025
The unfurling of the iconic red flag is an old Shia tradition symbolizing that blood has been spilled unjustly and it must be avenged
Iran previously hoisted a red flag over a mosque in Qom after Hamas… pic.twitter.com/zxfTLTygDP
ഇന്ന് നിരവധി പേരാണ് പള്ളിക്ക് മുന്നില്‍ പ്രതിഷേധവുമായി എത്തിയത്. ഇസ്രായേലിനെ കര്‍ശനമായി ശിക്ഷിക്കണമെന്ന് പ്രതിഷേധക്കാര്‍ ആവശ്യപ്പെട്ടു. ഇസ്രായേലിനെ ലക്ഷ്യമാക്കി ഇന്ന് ഇറാന്‍ നിരവധി ഡ്രോണുകള്‍ അയച്ചിരുന്നു. പക്ഷേ, ജോര്‍ദാന്‍, സിറിയ സര്‍ക്കാരുകള്‍ ഇവയില്‍ പലതിനെയും വെടിവച്ചിട്ടു. യുഎസും യുകെയും ഫ്രാന്‍സും ഇസ്രായേലിന് പിന്തുണയും നല്‍കി.