തൃശൂര്: ഉയര്ന്ന താപനില മുന്നറിയിപ്പ് നല്കി കാലാവസ്ഥാ വകുപ്പ്. ഇന്ന് കൊല്ലം, പാലക്കാട് ജില്ലകളില് ഉയര്ന്ന താപനില 38 °C വരെയും കോട്ടയം, എറണാകുളം, തൃശൂര് ജില്ലകളില് ഉയര്ന്ന താപനില 37°C വരെയും; പത്തനംതിട്ട, ആലപ്പുഴ ജില്ലകളില് ഉയര്ന്ന താപനില 36°C വരെയും ഉയരാന് (സാധാരണയെക്കാള് 2 to 3°C വരെ കൂടുതല്) സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
ഉയര്ന്ന താപനിലയും ഈര്പ്പമുള്ള വായുവും കാരണം ഈ ജില്ലകളില്, മലയോര മേഖലകളിലൊഴികെ, ഇന്ന് ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ട്.