ഇസ്രായേലി സൈന്യത്തിനെതിരായ ആക്രമണങ്ങളുടെ വീഡിയോ പുറത്ത് വിട്ട് ഹമാസ് (വീഡിയോ)

ഗസ സിറ്റി: ഗസയില്‍ അധിനിവേശം നടത്തുന്ന ഇസ്രായേലി സൈന്യത്തിനെതിരെ നടത്തുന്ന ആക്രമണങ്ങളുടെ വീഡിയോ പുറത്തുവിട്ട് ഹമാസിന്റെ അല്‍ ഖസ്സം ബ്രിഗേഡ്‌സ്. ഇസ്രായേല്‍ നടത്തുന്ന ''ഗിഡിയണ്‍സ് രഥങ്ങള്‍'' എന്ന അധിനിവേശ പദ്ധതിയെ നേരിടുന്ന ''ദാവീദിന്റെ കല്ലുകള്‍'' എന്ന ഓപ്പറേഷന്റെ വീഡിയോകളാണ് പുറത്തിവിട്ടിരിക്കുന്നത്.

തെക്കന്‍ ഗസയിലെ ഖാന്‍ യൂനിസിലാണ് ഈ ഓപ്പറേഷനുകള്‍ നടക്കുന്നത്. അടുത്ത ദിവസങ്ങളില്‍ ഇസ്രായേലി സൈന്യത്തിലെ നിരവധി ഉദ്യോഗസ്ഥര്‍ ഈ പ്രദേശത്ത് കൊല്ലപ്പെട്ടിരുന്നു.