കൊല്ക്കത്ത: ഇന്ത്യന് വിമന്സ് ലീഗില് 2025-26 സീസണിന് ഇന്ന് കൊല്ക്കത്തയില് തുടക്കമാവുന്നു. ടൂര്ണമെന്റിലെ എല്ലാ മല്സരവും കൊല്ക്കത്തയിലാണ് എഐഎഫ്എഫ് നടത്തുന്നത്. ആദ്യ മല്സരത്തില് ഗോകുലം കേരള എഫ്സി ഇന്ന് നിത എഫ്എയെ നേരിടും, വൈകിട്ട് മൂന്നിന് കല്യാണി സ്റ്റേഡിയത്തില് വച്ചാണ് മല്സരം.
പുതിയ യുവ നിരയുടെ ബലത്തിലാണ് ഗോകുലം കേരള എഫ്സി ഈ സീസണിനെത്തുന്നത്. പുതുതായി ചുമതലയേറ്റ മുന് ഇന്ത്യന് താരം കൂടിയായിരുന്ന ഹെഡ് കോച്ച് രാമന് വിജയനു കീഴില് കഴിഞ്ഞ മൂന്നു മാസത്തോളമായി ടീം കോഴിക്കോട് പരിശീലനം നടത്തി വരികയായിരുന്നു. ഇന്ത്യന് അണ്ടര് 20 ടീമില് നിന്നടക്കം ഒരുപിടി മികച്ച താരങ്ങളെ ടീമിലെത്തിച്ചിരുന്നു. മലയാളി താരങ്ങള് ഉള്പ്പെടെയുള്ള 28 അംഗ സ്ക്വാഡാണ് ഇത്തവണ അണിനിരക്കുന്നത്.
മുന് സീസണുകളില് മൂന്നു തവണ തുടര്ച്ചയായി കിരീടം ചൂടിയ ഗോകുലം കഴിഞ്ഞ രണ്ടു സീസണുകളില് റണ്ണര് അപ്പുമായിട്ടാണ് ഫിനിഷ് ചെയ്തത്. മുന് വര്ഷവും ടീമിനൊപ്പമുണ്ടായിരുന്ന കെനിയന് ഡിഫന്ഡര് ഫീബി ഒക്കെച്ചേയും കൂടാതെ രണ്ട് പുതിയ വിദേശ താരങ്ങളും ടീമിന്റെ ഭാഗമായിട്ടുണ്ട്. മിഡ്ഫീല്ഡര് സാന്ദ്ര(ഘാന)യും ഫോര്വേഡ് സിഡാലിയ ക്യൂട്ട(മൊസാംബിക്ക്)എന്നിവരാണ് ടീമിന്റെ പുതിയ മുന്നേറ്റ നിര താരങ്ങള്.
ഗോകുലം കേരള വനിത സ്ക്വാഡ്
ഗോള് കീപ്പേഴ്സ്: സൗമ്യ, ശ്രേയ ഹൂഡ, മെലഡി ചാനു, അനിത.
പ്രതിരോധനിര: റെജിയ, അലീന, സഹീന, ഫീബി ഒക്കെച്ചേ, ക്രിറ്റിന, ഗ്രീഷ്മ, ബേബി റാള്ട്ടെ, സൗന്ദര്യ.
മധ്യനിര: ശുഭാംഗി, റോജ, മുസ്കാന്, മേനക, ദര്ശിനി, പ്രിയദര്ശിനി, റെമി, മീര, ദയ, പ്രിയങ്ക, സാന്ദ്ര, ദഭ്ലീന.
മുന്നേറ്റനിര: ബബിത, ഷില്ജി ഷാജി, ഹര്മിലന്, സിഡാലിയ.