സംസ്ഥാനത്ത് ഇന്ന് കനത്ത മഴയ്ക്ക് സാധ്യത; അഞ്ചു ജില്ലകളില് ഓറഞ്ച് അലേര്ട്ട്
കാസര്കോട്, കണ്ണൂര്, വയനാട്, കോഴിക്കോട്, മലപ്പുറം ജില്ലകളിലാണ് ഇന്ന് ഓറഞ്ച് അലേര്ട്ട്
തിരുവനന്തപുരം: സംസ്ഥാനത്ത് ഇന്നും കനത്ത മഴയ്ക്ക് സാധ്യത. അഞ്ചു ജില്ലകളില് ഓറഞ്ച് അലേര്ട്ട് പ്രഖ്യാപിച്ചു. കാസര്കോട്, കണ്ണൂര്, വയനാട്, കോഴിക്കോട്, മലപ്പുറം ജില്ലകളിലാണ് ഇന്ന് ഓറഞ്ച് അലേര്ട്ട്. തിരുവനന്തപുരം, എറണാകുളം, ഇടുക്കി, തൃശ്ശൂര്, പാലക്കാട് ജില്ലകളില് യെല്ലോ അലേര്ട്ടും നല്കിയിട്ടുണ്ട്.
അപകടകരമായ നിലയില് ജലനിരപ്പ് ഉയരുന്നതിനാല് വിവിധ ഡാമുകളില് റെഡ് അലേര്ട്ട് തുടരുകയാണ്. കേരളതീരത്ത് മല്സ്യബന്ധനത്തിന് വിലക്കുണ്ട്. കനത്ത മഴയുടെ പശ്ചാത്തലത്തില് തിരുവനന്തപുരം പൊന്മുടി എക്കോ ടൂറിസം അടച്ചു. ഇനിയൊരു നിര്ദേശം ഉണ്ടാകുന്നതുവരെ സന്ദര്ശക വിലക്ക് തുടരും. ന്യൂനമര്ദ്ദത്തിന്റെ സ്വാധീനഫലമായാണ് സംസ്ഥാനത്ത് മഴ തുടരുന്നത്. മഴയ്ക്കൊപ്പം മണിക്കൂറില് 40 കിലോമീറ്റര് വേഗതയില് കാറ്റ് വീശാനും സാധ്യതയുണ്ട്.