എഞ്ചിന്‍ തകരാര്‍; തിരുവനന്തപുരം-കോഴിക്കോട് ജനശതാബ്ദി വഴിയില്‍ കുടുങ്ങി

തൃശൂര്‍: എഞ്ചിന്‍ തകരാറിനെ തുടര്‍ന്ന് തിരുവനന്തപുരം-കോഴിക്കോട് ജനശതാബ്ദി എക്സ്പ്രസ് വഴിയില്‍ കുടുങ്ങി. വടക്കാഞ്ചേരിക്കും മുള്ളൂര്‍ക്കരയ്ക്കും ഇടയിലായിരുന്നു ട്രെയിന്‍ പിടിച്ചിട്ടിരുന്നത്. മൂന്നു മണിക്കൂറോളം ട്രെയിന്‍ കുടുങ്ങി. പ്രശ്നം പരിഹരിച്ച് വരികയാണെന്ന് അധികൃതര്‍ അറിയിച്ചു. ഇതോടെ ഉച്ചയ്ക്ക് 1:45ന് കോഴിക്കോട് നിന്ന് തിരുവനന്തപുരത്തേക്ക് പുറപ്പെടേണ്ടിയിരുന്ന ട്രെയിനിന്റെ മടക്കയാത്ര വൈകി.