തൃശ്ശൂര്‍:കളിക്കുന്നതിനിടെ റബ്ബര്‍ പന്ത് തൊണ്ടയില്‍ കുടുങ്ങി പിഞ്ചുകുഞ്ഞിന് ദാരുണാന്ത്യം. ഇരിങ്ങാലക്കുട ചെട്ടിയാലിന് സമീപം ഓളിപറമ്പില്‍ വീട്ടില്‍ നിഥിന്‍ ദീപ ദമ്പതികളുടെ 11 മാസമുളള മകന്‍ മീരവ് കൃഷ്ണയാണ് റബ്ബര്‍ പന്ത് തൊണ്ടയില്‍ കുടുങ്ങി മരിച്ചത്.
ശനിയാഴ്ചയായിരുന്നു സംഭവം.കുട്ടി അസ്വസ്ഥത പ്രകടിപ്പിക്കുന്നത് കണ്ട വീട്ടുകാര്‍ ഉടനെ ഇരിങ്ങാലക്കുട സഹകരണ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.കുട്ടിയുടെ പിതാവ് നിഥിന്‍ രണ്ടു ദിവസം മുമ്പാണ് ഖത്തറിലേക്ക് ജോലിക്ക് പോയത്.കുട്ടിയുടെ മൃതദേഹം ഇരിങ്ങാലക്കുട സഹകരണ ആശുപത്രിയില്‍ മോര്‍ച്ചറിയില്‍ സൂക്ഷിച്ചുവെച്ചിരിക്കുകയാണ്. സംസ്‌കാരം പിന്നീട് നടത്തും.