മല്സരത്തിന് മുമ്പ് 20 തവണ ബാത്ത്റൂമില് പോകുന്നവനാണ് മെസ്സിയെന്ന് മറഡോണ
മെക്സിക്കോ സിറ്റി: നായകനെന്ന നിലയില് സൂപ്പര് താരം ലയണല് മെസ്സി പൂര്ണ പരാജയമാണെന്ന് ഫുട്ബോള് ഇതിഹാസം ഡീഗോ മറഡാണ. ഒരു മല്സരത്തിന് മുമ്പ് 20 തവണ ബാത്ത്റൂമില് പോകുന്നവനെയാണോ അര്ജന്റീനയുടെ നായകനായി വാഴിക്കുന്നതെന്നും മറഡോണ പരിഹസിച്ചു. ഇത് അമിത സമ്മര്ദത്തെയാണ് വരച്ചുകാട്ടുന്നത്. ഇപ്പോള് താരം അര്ജന്റീനയുടെ ദൈവമല്ലെന്നും മെക്സിക്കോയില് വച്ച് ഫോക്സ് സ്പോര്ട്സ് ചാനലുമായി നടന്ന ഒരു അഭിമുഖത്തില് ഇതിഹാസ താരം തുറന്നടിച്ചു. നായകനെന്ന ചുമതല ഏറ്റെടുക്കാനുള്ള കഴിവ് മെസിക്കില്ലെന്നും ആ ബാധ്യത മെസ്സിയുടെ തലയില് നിന്നും മാറ്റി വക്കണമെന്നും മറഡോണ ആവശ്യപ്പെട്ടു.
കഴിഞ്ഞ ആഴ്ച ബ്രസീല് ഇതിഹാസ താരം പെലെ റൊണാള്ഡോയെ തഴഞ്ഞ് മെസ്സിയെ തന്റെ ടീമിലേക്ക് ക്ഷണിച്ചിരുന്നു.