'മോന്ത' ദുര്ബലമാകും'; വരും മണിക്കൂറുകളില് നേരിയ മഴയ്ക്കു സാധ്യതയെന്ന് കാലാവസ്ഥ വകുപ്പ്
തിരുവനന്തപുരം: ആന്ധ്രാപ്രദേശില് കര കയറിയ മോന്ത തീവ്ര ചുഴലിക്കാറ്റ് ശക്തി കുറയുമെന്ന് കേന്ദ്ര കാലാവസ്ഥ വകുപ്പ്. തീവ്ര ന്യൂനമര്ദ്ദമായി മാറുന്നതോടെ സംസ്ഥാനത്ത് വരുന്ന നാലുദിവസം നേരിയ ഇടത്തരം മഴയ്ക്കോ ഇടിയോടുകൂടിയ മഴയ്ക്കോ സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു. വരും ദിവസങ്ങളില് പൊതുവെ മഴ ദുര്ബലമായിരിക്കുമെന്നും റിപോര്ട്ടുണ്ട്.
അതേസമയം അറബിക്കടലിലെ തീവ്രന്യൂനമര്ദ്ദം വരും മണിക്കൂറുകളില് മധ്യ കിഴക്കന് അറബിക്കടലിലൂടെ വടക്കു കിഴക്കന് ദിശയില് നീങ്ങാന് സാധ്യതയുണ്ട്. കള്ളക്കടല് പ്രതിഭാസത്തിന്റെ ഭാഗമായി വെള്ളിയാഴ്ച രാവിലെ 2.30 വരെ കേരളത്തിലെ തിരുവനന്തപുരം തീരത്ത് 0.9 മുതല് 1.0 മീറ്റര് വരെ തിരമാലകള് ഉയരാന് സാധ്യതയുണ്ട്. കടലാക്രമണത്തിന് സാധ്യതയുള്ളതിനാല് മല്സ്യത്തൊഴിലാളികളും തീരദേശവാസികളും ജാഗ്രത പാലിക്കണമെന്ന് ദേശീയ സമുദ്രസ്ഥിതി പഠന ഗവേഷണ കേന്ദ്രം അറിയിച്ചു.