തിരുവനന്തപുരം: സംസ്ഥാനത്ത് മഴ മുന്നറിയിപ്പില് മാറ്റം. തെക്കന് കേരളത്തിന് മുകളില് ചക്രവാതച്ചുഴി നിലലില്ക്കുന്നതിനാല് മഴ തീവ്രമായതിനേ തുടര്ന്നാണ് കാലാവസ്ഥ വകുപ്പ് മുന്നറിയിപ്പില് മാറ്റം വരുത്തിയത്. എറണാകുളം, ഇടുക്കി, തൃശ്ശൂര്, മലപ്പുറം ജില്ലകളില് റെഡ്അലേര്ട്ട് പ്രഖ്യാപിച്ചു. എട്ട് ജില്ലകളില് ഓറഞ്ച് അലര്ട്ടും പ്രഖ്യാപിച്ചിട്ടുണ്ട്. പത്തനംതിട്ട, ആലപ്പുഴ, കോട്ടയം, പാലക്കാട്, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഓറഞ്ച് അലേര്ട്ടും തിരുവനന്തപുരം, കൊല്ലം ജില്ലകളില് യെല്ലോ അലേര്ട്ടും പ്രഖ്യാപിച്ചു.