പാലക്കാട്: വാളയാര് ആള്ക്കൂട്ട കൊലപാതക കേസിലെ പ്രതികളിലൊരാള് ജീവനൊടുക്കിയനിലയില്. കേസില് വീണ്ടും കോടതിയില് ഹാജരാകാന് പറഞ്ഞതോടെ വിനോദ് തൂങ്ങി മരിക്കുകയായിരുന്നുവെന്നാണ് വിവരം. റിമാന്ഡിന് പിന്നാലെ ജാമ്യം ലഭിച്ചെങ്കിലും പിന്നീട് ഹൈക്കോടതി ജാമ്യം റദ്ദാക്കിയിരുന്നു.
2025 ഡിസംബര് പതിനെട്ടിനായിരുന്നു വാളയാര് അട്ടപ്പള്ളത്ത് രാംനാരായണ് ഭാഗേല് ആള്ക്കൂട്ട മര്ദനത്തിനിരയായി കൊല്ലപ്പെട്ടത്. അട്ടപ്പള്ളത്ത് ഒരു കടയുടെ പരിസരത്ത് ഇരിക്കുകയായിരുന്ന രാംനാരായണിനെ കണ്ട് അസ്വാഭാവികത തോന്നിയ ചില തൊഴിലുറപ്പ് തൊഴിലാളികള് പ്രദേശത്തെ യുവാക്കളെ വിവരം അറിയിക്കുകയും, തുടര്ന്ന് യുവാക്കള് സ്ഥലത്തെത്തി ആള്ക്കൂട്ട വിചാരണ നടത്തുകയുമായിരുന്നു. 'നീ ബംഗ്ലാദേശി ആണോടാ' എന്ന് ചോദിച്ച് ക്രൂരമായി മര്ദിക്കുകയായിരുന്നു.