തിരുവനന്തപുരം: വാല്പ്പാറയില് മലയാളികള് സഞ്ചരിച്ചിരുന്ന വാഹനപകടത്തില് യാത്രികര്ക്ക് ജീവന് നഷ്ടപ്പെട്ടത് ഏറെ ദുഃഖകരമാണെന്ന് മുഖ്യമന്ത്രി പിണറായി വിജയന്. മലപ്പുറം ജില്ലയിലെ സ്കൂള് അധ്യാപകരും അവരുടെ കുടുംബാംഗങ്ങളും ഉള്പ്പെട്ട സംഘമാണ് അപകടത്തില്പ്പെട്ടത്. അവരുടെ വിയോഗം നാടിനാകെ നികത്താനാവാത്ത നഷ്ടമാണ്. മരണമടഞ്ഞവരുടെ കുടുംബാംഗങ്ങളുടെയും സുഹൃത്തുക്കളുടെയും ദുഃഖത്തില് പങ്കുചേരുന്നു. അപകടത്തില്പ്പെട്ടവര്ക്ക് ആവശ്യമെങ്കില് മികച്ച ചികില്സ ഉറപ്പാക്കാന് അധികൃതര്ക്ക് നിര്ദേശം നല്കിയിട്ടുണ്ടെന്നും മരിച്ചവരുടെ കുടുംബങ്ങള്ക്ക് ആവശ്യമായ സഹായങ്ങള് സര്ക്കാര് നല്കുമെന്നും മുഖ്യമന്ത്രി അറിയിച്ചു. അപകടത്തില് ഒന്പതു പേരാണ് മരണപ്പെട്ടത്. അതിരപ്പള്ളിയില് നിന്നും പൊള്ളാച്ചിയിലേക്ക് വരുന്നവഴിയായിരുന്നു അപകടം.
മുഖ്യമന്ത്രിയുടെ ഫേസ്ബുക്ക് കുറിപ്പ്
വാല്പ്പാറയില് മലയാളികള് സഞ്ചരിച്ചിരുന്ന വാഹനപകടത്തില് യാത്രികര്ക്ക് ജീവന് നഷ്ടപ്പെട്ടത് ഏറെ ദുഃഖകരമാണ്. മലപ്പുറം ജില്ലയിലെ സ്കൂള് അധ്യാപകരും അവരുടെ കുടുംബാംഗങ്ങളും ഉള്പ്പെട്ട സംഘമാണ് അപകടത്തില്പ്പെട്ടത്. അവരുടെ വിയോഗം നാടിനാകെ നികത്താനാവാത്ത നഷ്ടമാണ്. മരണമടഞ്ഞവരുടെ കുടുംബാംഗങ്ങളുടെയും സുഹൃത്തുക്കളുടെയും ദുഃഖത്തില് പങ്കുചേരുന്നു.
പരിക്കേറ്റവര്ക്ക് ആവശ്യമെങ്കില് മികച്ച ചികിത്സ ഉറപ്പാക്കാന് ബന്ധപ്പെട്ടവര്ക്ക് നിര്ദ്ദേശം നല്കിയിട്ടുണ്ട്. മരിച്ചവരുടെ കുടുംബങ്ങള്ക്ക് ആവശ്യമായ സഹായങ്ങള് സര്ക്കാര് നല്കും.