പരപ്പനങ്ങാടി: പാലക്കാട് വാളയാറില് ദലിത് യുവാവിനെ തല്ലിക്കാന്ന സംഘ്പരിവാര് ക്രൂരതക്കെതിരെ എസ്ഡിപിഐ പ്രവര്ത്തകര് പരപ്പനങ്ങാടിയില് പ്രതിഷേധപ്രകടനം നടത്തി. എസ്ഡിപിഐ പരപ്പനങ്ങാടി മുന്സിപ്പല് കമ്മിറ്റിയുടെ നേതൃത്വത്തിലാണ് പ്രതിഷേധം നടന്നത്. ഉത്തരേന്ത്യയില് നടന്നുവരുന്ന ആള്ക്കൂട്ട കൊലപാതകങ്ങള് കേരളത്തില് മുളപൊട്ടുന്നത് ആര്എസ്എസ് കുടിലതയാണെന്നും ഇതിനെതിരെ കൈയ്യും കെട്ടി നോക്കിനില്ക്കാന് കഴിയില്ലന്നും പ്രതിഷേധക്കാര് പറഞ്ഞു. ഹമീദ് പരപ്പനങ്ങാടി, കെ സിദ്ധീഖ്, വാസു തറയിലൊടി, സി പി നൗഫല്, കളത്തിങ്ങല് അബ്ദുല് സലാം, ഫൈസല് പുളിക്കലകത്ത്, റിയാസ് നേതൃത്വം നല്കി.