തൃശൂരില് രണ്ട് ഫ് ളാറ്റില് മാത്രം ചേര്ത്തത് 117 വോട്ടുകള്, സുരേഷ് ഗോപിയുടെ ഡ്രൈവറും എത്തി
തൃശ്ശൂര്: തൃശൂരിലെ വോട്ടര്പ്പട്ടികയില് ക്രമക്കേട് നടന്നെന്ന് വ്യക്തമാക്കുന്ന തെളിവുകള് പുറത്ത്. പൂങ്കുന്നം ശങ്കരംകുളങ്ങരയിലെ ഫഌാറ്റില് മാത്രം 79 പേരെ ക്രമരഹിതമായി പട്ടികയില് ഉള്പ്പെടുത്തിയെന്നാണ് വിവരം. തൊട്ടടുത്ത ബൂത്തില് 38 വോട്ടുകളും ചേര്ത്തു. ജില്ലാ കലക്ടര്ക്ക് പരാതി നല്കിയതിനാല് ഇവര്ക്ക് വോട്ട് ചെയ്യാനായില്ല. പൂങ്കുന്നത്തെ ഇന്ലന്ഡ് അപ്പാര്ട്ട്മെന്റില് മാത്രം 79 വോട്ട് ക്രമരഹിതമായി ചേര്ത്തു. ഇവരൊന്നും തന്നെ അപ്പാര്ട്ട്മെന്റിലെ താമസക്കാരല്ല. ഇവരെല്ലാം ആലത്തൂര് മണ്ഡലത്തിലുള്ളവരാണ്. വാട്ടര്ലില്ലി ഫ് ളാറ്റിലും 39 പേരെ പുതുതായി വോട്ടര്പട്ടികയില് ചേര്ത്തു. തൃശൂരിലെ പത്തോളം ഫ് ളാറ്റുകള് കേന്ദ്രീകരിച്ച് ഇത്തരത്തില് വോട്ട് ചേര്ക്കല് നടന്നെന്നാണ് വിവരം.
സുരേഷ് ഗോപിയുടെ െ്രെഡവറും തിരുവനന്തപുരം സ്വദേശിയുമായ എസ് അജയകുമാറും തൃശൂരിലെ ഫ് ളാറ്റില് വോട്ട് ചേര്ത്തതായ് ആരോപണമുണ്ട്. നിയമസഭ, തദ്ദേശ തെരഞ്ഞെടുപ്പ് വോട്ടര് പട്ടികയില് അജയകുമാറിന്റെ വോട്ട് തിരുവനന്തപുരത്താണ്. വോട്ടര് ഐഡി നമ്പര് കേന്ദ്രീകരിച്ച് നടത്തിയ അന്വേഷണത്തിലാണ് കള്ളക്കളി വ്യക്തമായത്. ക്യാപിറ്റല് വില്ലേജ് സി4 ഫ് ളാറ്റ് ഉടമക്ക് അറിയുക പോലും ചെയ്യാത്ത താമസക്കാരനാണ് അജയകുമാര്. കഴിഞ്ഞ നിയമസഭാ തെരഞ്ഞെടുപ്പില് എസ് അജയകുമാറിന്റെ പോളിംഗ് ബൂത്ത് ശാസ്തമംഗലത്തെ എന്എസ്എസ്എച്ച്എസ്എസിലായിരുന്നു. തൃശൂരിലെ അജയകുമാര് തന്നെയാണ് തിരുവനന്തപുരത്തെയും അജയകുമാര് എന്ന് ഏറെക്കുറെ സ്ഥിരീകരിച്ചു.