ന്യൂഡല്ഹി: ട്രെയ്ന് ടിക്കറ്റ് നിരക്ക് വര്ധന ജൂലൈ ഒന്നുമുതല് പ്രാബല്യത്തില്. വന്ദേ ഭാരത് ഉള്പ്പടെയുള്ള എല്ലാ സര്വീസുകളിലും നിരക്ക് വര്ധിക്കും. എസി കോച്ചുകളില് കിലോമീറ്റര് നിരക്ക് രണ്ടു പൈസയും സെക്കന്റ് ക്ലാസ് ടിക്കറ്റുകള്ക് ഒരു പൈസ വീതവും കൂടും. ഓര്ഡിനറി നോണ് എസി ടിക്കറ്റുകള്ക്കു 500 കിലോമീറ്റര് ദൂരം വരെ വര്ധനയില്ല. സബര്ബന് ടിക്കറ്റുകളില് ഇപ്പോള് ടിക്കറ്റ് വര്ധനയില്ല. സീസണ് ടിക്കറ്റുകള്ക്കും നിരക്ക് വര്ധന ബാധകമല്ല. എല്ലാ ചീഫ് കൊമേര്സ്യല് മാനേജര്മാര്ക്കും നിരക്കുവര്ധന സംബന്ധിച്ച നിര്ദേശങ്ങള് നല്കിയെന്ന് റെയില്വേ അറിയിച്ചു.
എസി ക്ലാസ് 3 ടയര്, ചെയര്കാര് , 2 ടയര്, ഫസ്റ്റ് ക്ലാസ് എന്നിവക്കാണ് 2 പൈസ വര്ധന. നോണ് എസി, ഓര്ഡിനറി ട്രെയിനുകള്ക്ക് 500 കിലോമീറ്ററിന് ശേഷം അര പൈസ വീതമാണ് വര്ധന. 1,500 മുതല് 2,500 കിലോമീറ്റര് വരെയുള്ള യാത്രക്ക് 10 രൂപ വീതവും 2,501 മുതല് 3,000 വരെയുള്ള ടിക്കറ്റുകള്ക്ക് 15 രൂപയും കൂടും.
സ്ലീപ്പര് ക്ലാസ് ടിക്കറ്റുകള്ക്കും ഓര്ഡിനറി ടിക്കറ്റുകള്ക്കു ഒരു കിലോമീറ്ററിന് അരപൈസ വീതമാണ് വര്ധിക്കുക. മെയില്, എക്സ്പ്രസ്സ് ക്ലാസ്സുകള്ക്ക് നോണ് എസി കോച്ചുകളില് ഒരു പൈസ വീതമാണ് വര്ധന.