കടുവ ഇറങ്ങി; വയനാട് പനമരത്തും കണിയാമ്പറ്റയിലും വിവിധ വാര്ഡുകളില് വിദ്യാഭ്യാസ സ്ഥാപനങ്ങള്ക്ക് നാളെ അവധി
വയനാട്: ജനവാസ മേഖലയില് കടുവ ഇറങ്ങിയിട്ടുള്ളതിനാല് പനമരം ഗ്രാമപഞ്ചായത്തിലെ ആറ്, ഏഴ്, എട്ട്, പതിനാല്, പതിനഞ്ച് വാര്ഡുകളിലും കണിയാമ്പറ്റ ഗ്രാമപഞ്ചായത്തിലെ അഞ്ച്, ആറ്, ഏഴ്, പത്തൊന്പത്, ഇരുപത് വാര്ഡുകളിലെയും വിദ്യാഭ്യാസ സ്ഥാപനങ്ങള്ക്ക് നാളെ അവധി പ്രഖ്യാപിച്ച് കളക്ടര്. അങ്കണവാടികളും, മദ്രസകളും ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്. നാളെ നടത്താനിരുന്ന പരീക്ഷകളും മാറ്റിയതായി ജില്ലാ കലക്ടര് ഡി ആര് മേഘശ്രീ അറിയിച്ചു. പച്ചിലക്കാട് ജനവാസ മേഖലയില് ഇറങ്ങിയ കടുവയെ പിടികൂടാന് വനംവകുപ്പ് ഊര്ജിത തിരച്ചില് നടത്തിക്കൊണ്ടിരിക്കുകയാണ്. ഡ്രോണുപയോഗിച്ച് നടത്തിയ പരിശോധനയില് കടുവയുടെ ചിത്രങ്ങള് ലഭിച്ചു. പ്രദേശത്തെ കാപ്പിത്തോട്ടം കേന്ദ്രീകരിച്ചാണ് തിരച്ചില്.