തൃശൂര്: തൃശൂരില് രാഗം തിയേറ്റര് നടത്തിപ്പുകാരന് സുനിലിനും ഡ്രൈവര് അജീഷിനും വെട്ടേറ്റു. ഇന്നലെ രാത്രി 10 മണിയോടെ തൃശൂര് വെളപ്പായയില് സുനിലിന്റെ വീടിനു മുന്നില് വെച്ചാണ് സംഭവം. കാറില് നിന്നിറങ്ങി വീടിന്റെ ഗേറ്റ് തുറക്കുന്ന സമയത്ത് ഇരുട്ടില് പതുങ്ങിയിരുന്ന മൂന്നു പേരാണ് സുനിലിനെയും ഡ്രൈവറെയും വെട്ടിയത്. ആക്രമണത്തിനു പിന്നില് ക്വട്ടേഷനെന്ന് സൂചന.
സുനിലിന്റെ കാലിനും അജീഷിന്റെ കൈക്കുമാണ് വെട്ടേറ്റത്. പരിക്കേറ്റ ഇരുവരെയും ആദ്യം തൃശൂര് മെഡിക്കല് കോളജ് ആശുപത്രിയിലേക്കും, പിന്നീട് തൃശൂര് ദയ ആശുപത്രിയിലേക്കും മാറ്റി. ഇരുവരുടെയും പരുക്ക് ഗുരുതരമല്ല. ഓടി രക്ഷപ്പെട്ട പ്രതികള്ക്കായി പോലിസ് അന്വേഷണം ഊര്ജിതമാക്കിയിട്ടുണ്ട്. ആക്രമണത്തിന്റെ കാരണം വ്യക്തമല്ല. ചികില്സയിലുള്ള സുനിലിന്റെ മൊഴിയും ഉടന് രേഖപ്പെടുത്തും. സുനില് പത്തുവര്ഷത്തോളമായി രാഗം തിയേറ്റര് വാടകയ്ക്കെടുത്ത് നടത്തുകയാണ്. പ്രതികളെ പിടികൂടുന്നതിനായി മെഡിക്കല് കോളേജ് പോലിസ് അന്വേഷണം ഊര്ജ്ജിതമാക്കി.