ജയിലില് വെച്ച് നെഞ്ചുവേദന; തന്ത്രി കണ്ഠരര് രാജീവരെ മെഡിക്കല് കോളേജ് ആശുപത്രിയില് പ്രവേശിപ്പിച്ചു
നാളെ ആന്ജിയോഗ്രാം ചെയ്യും
തിരുവനന്തപുരം: ശബരിമല സ്വര്ണക്കൊള്ള കേസില് റിമാന്ഡില് കഴിയുന്ന തന്ത്രി കണ്ഠരര് രാജീവരെ തിരുവനന്തപുരം മെഡിക്കല് കോളേജ് ആശുപത്രിയില് പ്രവേശിപ്പിച്ചു. ഇന്ന് ഉച്ചയോടെയാണ് തന്ത്രിയെ ആശുപത്രിയില് പ്രവേശിപ്പിച്ചത്. പൂജപ്പുര ജയിലില് നിന്നാണ് തന്ത്രിയെ തിരുവനന്തപുരം മെഡിക്കല് കോളേജ് ആശുപത്രിയിലേക്ക് മാറ്റിയത്. മെഡിക്കല് കോളേജിലെ ജയില് സെല്ലിലാണ് അഡ്മിറ്റ് ചെയ്തത്. നാളെ ആന്ജിയോഗ്രാം ചെയ്യും.
നേരത്തെ തിരുവനന്തപുരം സ്പെഷ്യല് സബ് ജയിലില് വെച്ച് ദേഹാസ്വാസ്ഥ്യമുണ്ടായതിനെ തുടര്ന്ന് തിരുവനന്തപുരം മെഡിക്കല് കോളജ് ആശുപത്രിയില് പ്രവേശിപ്പിച്ചിരുന്നു. പരിശോധനയില് രക്തസമ്മര്ദം ഉയര്ന്ന തോതിലാണെന്ന് കണ്ടെത്തിയിരുന്നു. ഇതേ തുടര്ന്നാണ് ആന്ജിയോഗ്രാമിന് ഡേറ്റ് നല്കിയത്. ശബരിമല സ്വര്ണക്കൊള്ളയുമായി ബന്ധപ്പെട്ട ഒരു കേസില് തന്ത്രിയുടെ ജാമ്യാപേക്ഷ നാളെ കൊല്ലം വിജിലന്സ് കോടതി പരിഗണിക്കുന്നുണ്ട്.