ആലപ്പുഴ: നിയന്ത്രണം വിട്ട ബൈക്ക് വൈദ്യുതിപോസ്റ്റില് ഇടിച്ച് കോളേജ് വിദ്യാര്ഥി മരിച്ചു. എടത്വാ പുത്തന്പുരയ്ക്കല് ജോയി എബ്രഹാമിന്റെയും (ജോയിച്ചന്) ലൈജുവിന്റെയും മകന് ലിജുമോന് (18) ആണ് മരിച്ചത്. എടത്വാ സെന്റ് അലോഷ്യസ് കോളേജ് വിദ്യാര്ഥിയാണ് ലിജുമോന്. അമ്പലപ്പുഴ - തിരുവല്ല സംസ്ഥാന പാതയില് തലവടി വെള്ളക്കിണറിന് സമീപം ശനിയാഴ്ച പുലര്ച്ചെ 12.05 നാണ് സംഭവം. ലിജുമോനൊപ്പം ബൈക്കിലുണ്ടായിരുന്ന എടത്വാ പട്ടത്താനം വീട്ടില് മെറിക് (18) ഗുരുതരാവസ്ഥയില് തിരുവല്ല സ്വകാര്യ മെഡിക്കല് കോളേജ് ആശുപത്രിയില് ചികിത്സയിലാണ്.ഒന്നാം വര്ഷ ബിരുദ വിദ്യാര്ഥികളാണ് ലിജുമോനും മെറികും.