എസ്എന്ഡിപി യോഗം ജനറല് സെക്രട്ടറി സ്ഥാനത്ത് നിന്നും വെള്ളാപ്പള്ളി നടേശനെ അയോഗ്യനാക്കിയ ഉത്തരവിന് സ്റ്റേ
കൊച്ചി: എസ്എന്ഡിപി യോഗം ജനറല് സെക്രട്ടറി സ്ഥാനത്ത് നിന്നും വെള്ളാപ്പള്ളി നടേശനെ അയോഗ്യനാക്കിയ ഉത്തരവിന് സ്റ്റേ. ഹൈക്കോടതി ഡിവിഷന് ബെഞ്ചാണ് ഉത്തരവ് സ്റ്റേ ചെയ്തത്. ഹൈക്കോടതി സിംഗിള് ബെഞ്ച് ഉത്തരവിനെതിരേ വെള്ളാപ്പള്ളി നടേശന് സമര്പ്പിച്ച ഹരജിയിലാണ് ഉത്തരവ്.
പുതിയ ഡയറക്ടര് ബോര്ഡ് അംഗങ്ങളെ നിയമിക്കണമെന്ന കോടതി നിര്ദേശം നടപ്പിലാക്കുന്നതില് കാലതാമസം ഉണ്ടാകുമെന്ന് സര്ക്കാര് അറിയിച്ചു. ചീഫ് ജസ്റ്റിസ് സൗമന് സെന് അധ്യക്ഷനായ ബെഞ്ചാണ് കേസ് പരിഗണിച്ചത്. സിംഗിള് ബെഞ്ച് അധികാര പരിധി വിട്ടെന്നാണ് വെള്ളാപ്പള്ളിയുടെ വാദം. തുടര്ച്ചയായി റിട്ടേണ് സമര്പ്പിച്ചില്ല എന്ന സിംഗിള് ബെഞ്ചിന്റെ കണ്ടെത്തലില് തെറ്റുണ്ടെന്നും അതുകൊണ്ട് അയോഗ്യത നിലനില്ക്കില്ലെന്നും ഹരജിയില് ചൂണ്ടികാട്ടി.
വെള്ളാപ്പള്ളി നടേശന്, വൈസ് പ്രസിഡന്റ് തുഷാര് വെള്ളാപ്പള്ളി, പ്രസിഡന്റ് എം എന് സോമന്, ദേവസ്വം സെക്രട്ടറി അരയാക്കണ്ടി സന്തോഷ് തുടങ്ങി 170 ബോര്ഡ് അംഗങ്ങളെയാണ് സിംഗിള് ബെഞ്ച് അയോഗ്യരാക്കിയത്.യോഗത്തിന്റെ കണക്ക് ഹാജരാക്കുന്നതിലെ ബൈലോ ലംഘനം കണ്ടെത്തിയായിരുന്നു വിധി. യോഗത്തിന് പുതിയ ബോര്ഡ് ഓഫ് ഡയറക്ടേഴ്സിനെ നിയമിക്കാനും ഹൈക്കോടതി ഉത്തരവിട്ടിരുന്നു.