കൊച്ചി: അന്തരിച്ച നടന് ശ്രീനിവാസന്റെ സംസ്കാരം നാളെ രാവിലെ 10 മണിക്ക് നടക്കും. തൃപ്പൂണിത്തുറ കണ്ടനാട് വീട്ടുവളപ്പിലാണ് സംസ്കാരം. ഇന്ന് ഒരു മണി മുതല് മൂന്ന് മണി വരെ എറണാകുളം ടൗണ് ഹാളില് പൊതുദര്ശനമുണ്ടായിരിക്കും.
ഡയാലിസിസിനായി രാവിലെ കൊച്ചിയിലെ അമൃത ആശുപത്രിലേക്ക് പോകുന്ന വഴി ആരോഗ്യം മോശമായതിനേ തുടര്ന്ന് തൃപ്പൂണിത്തുറ താലൂക്ക് ആശുപത്രിയില് പ്രവേശിപ്പിക്കുകയായിരുന്നു. ഉടനെ തന്നെ മരണം സ്ഥിരീകരിച്ചു. വിമല ശ്രീനിവാസനാണ് ഭാര്യ. അഭിനേതാക്കളായ വിനീത് ശ്രീനിവാസനും ധ്യാന് ശ്രീനിവാസനും മക്കള്. മികച്ച സിനിമയ്ക്കുള്ള ദേശീയ ചലച്ചിത്ര പുരസ്കാരം, മികച്ച തിരക്കഥയ്ക്കും കഥയ്ക്കുമടക്കം ആറ് കേരള സംസ്ഥാന ചലച്ചിത്ര പുരസ്കാരങ്ങള് എന്നിങ്ങനെ നിരവധി അംഗീകാരങ്ങള് ലഭിച്ചു.