ദക്ഷിണ കേരള ജംഇയ്യത്തുല് ഉലമ പ്രസിഡന്റ് കെ പി അബൂബക്കര് ഹസ്റത്ത് അന്തരിച്ചു
കൊല്ലം: ദക്ഷിണ കേരള ജംഇയ്യത്തുല് ഉലമ പ്രസിഡന്റും വര്ക്കല ജാമിയ മന്നാനിയ പ്രിന്സിപ്പലുമായ കെ പി അബൂബക്കര് ഹസ്റത്ത്(85) അന്തരിച്ചു. ഖബറടക്കം വൈകിട്ട് നാലിന് കൊല്ലം മുട്ടയ്ക്കാവ് ജുമാമസ്ജിദില് നടക്കും. പ്രമുഖ പണ്ഡിതനും ആയിരക്കണക്കിന് ശിഷ്യഗണങ്ങളുടെ ഗുരുനാഥനുമായ ഹസ്റത്ത് ദക്ഷിണ കേരള ജംഇയ്യത്തുല് ഉലമയുടെ ഉന്നത നേതാക്കളില് ഒരാളായ അദ്ദേഹം ദീര്ഘകാലം വൈസ് പ്രസിഡന്റായിരുന്നു. കഴിഞ്ഞ മൂന്നുവര്ഷമായി പ്രസിഡന്റാണ്.
ദക്ഷിണ കേരള ജംഇയ്യത്തുല് ഉലമയുടെ എഴുപതാം വാര്ഷിക സന്ദേശ യാത്ര ഇന്ന് കൊടുങ്ങല്ലൂരില് ആരംഭിക്കാനിരിക്കുകയായിരുന്നു. പരിപാടികള് എല്ലാം ചൊവ്വാഴ്ചയിലേക്കു മാറ്റിയതായി ദക്ഷിണ കേരള ജംഇയ്യത്തുല് ഉലമ ജനറല് സെക്രട്ടറി തൊടിയൂര് മുഹമ്മദ് കുഞ്ഞ് മൗലവി അറിയിച്ചു. ദക്ഷിണ കേരള ഇസ്ലാം മത വിദ്യാഭ്യാസ ബോര്ഡിനു കീഴിലുള്ള എല്ലാ മദ്രസകള്ക്കും ഇന്ന് അവധിയും പ്രഖ്യാപിച്ചു.