കോട്ടയം: കനത്ത മഴ തുടരുന്ന സാഹചര്യത്തില് കോട്ടയം ജില്ലയിലെ പ്രഫഷണല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ശനിയാഴ്ച (മേയ് 31) അവധി പ്രഖ്യാപിച്ചു. അങ്കണവാടികള്, അവധിക്കാല ക്ലാസുകള് നടത്തുന്ന വിദ്യാഭ്യാസ സ്ഥാപനങ്ങള്, ട്യൂഷന് സെന്ററുകള്, മറ്റ് അവധിക്കാല കലാകായിക പരിശീലന കേന്ദ്രങ്ങള്/സ്ഥാപനങ്ങള്, മതപാഠശാലകള് എന്നിവയ്ക്കും അവധി ബാധകമായിരിക്കും. മുന്പ് നിശ്ചയിച്ചിട്ടുള്ള പരീക്ഷകള്ക്ക് അവധി ബാധകമല്ലെന്ന് കലക്ടര് വ്യക്തമാക്കി.