ശബരിമല സ്വര്ണക്കൊള്ള; കണ്ഠര് രാജീവരുടെ വീട്ടില് എസ്ഐടി പരിശോധന
റിമാന്ഡില് കഴിയുന്ന കണ്ഠരര് രാജീവരരെ ദേഹാസ്വാസ്ഥ്യം അനുഭവപ്പെട്ടതിനെ തുടര്ന്ന് ഐസിയുവില് പ്രവേശിപ്പിച്ചു
ആലപ്പുഴ: ശബരിമല സ്വര്ണക്കൊള്ള കേസില് കണ്ഠരര് രാജീവരുടെ വീട്ടില് പ്രത്യേക അന്വേഷണസംഘം പരിശോധന നടത്തുന്നു. ആലപ്പുഴ ചെങ്ങന്നൂരിലെ വീട്ടിലാണ് പരിശോധന. കണ്ഠരര് രാജീവരരുടെ വീടായ താഴമണ് മഠത്തില് ശനിയാഴ്ച ഉച്ചയ്ക്ക് രണ്ടരയോടെയാണ് എസ്ഐടി സംഘമെത്തിയത്. ഫോറന്സിക് ഉദ്യോഗസ്ഥര് ഉള്പ്പടെയുള്ള സംഘമാണ് പരിശോധനക്കായി വീട്ടിലേക്കെത്തിയത്.
കേസിലെ ഒന്നാംപ്രതി ഉണ്ണികൃഷ്ണന് പോറ്റിയുമായി ബന്ധപ്പെട്ട സാമ്പത്തിക ഇടപാടുകള് സംബന്ധിച്ച വിവരങ്ങളാണ് എസ്ഐടി പ്രധാനമായും അമ്പേഷിക്കുന്നത്. ശനിയാഴ്ച ഉച്ചയ്ക്ക് 2.50 യോടെയാണ് പരിശോധന തുടങ്ങിയത്. വീട്ടില് ഈ സമയം കണ്ഠരുടെ ഭാര്യയും മറ്റ് കുടുംബാംഗങ്ങളുമുണ്ടായിരുന്നു. എട്ടുപേരടങ്ങിയ എസ്ഐടി സംഘമാണ് പരിശോധനയ്ക്കെത്തിയത്.
ശബരിമല സ്വര്ണക്കൊള്ളക്കേസില് തന്ത്രി കണ്ഠരര് രാജീവരെ വെള്ളിയാഴ്ചയാണ് എസ്ഐടി സംഘം അറസ്റ്റു ചെയ്തത്. തന്ത്രിയെ കോടതി റിമാന്ഡ് ചെയ്തിരുന്നു. അതിനു പിന്നാലെയാണ് പ്രത്യേക അന്വേഷണ സംഘം വീട്ടിലെത്തി പരിശോധന നടത്തുന്നത്. ഉണ്ണികൃഷ്ണന് പോറ്റിയെ അറിയാമെങ്കിലും നിരപരാധിയാണ് എന്നാണ് തന്ത്രി ആദ്യം പറഞ്ഞിരുന്നത്. തുടരന്വേഷണത്തിലാണ് തന്ത്രിയുടെ അറസ്റ്റിലേക്ക് എസ്ഐടി സംഘം കടന്നത്.
അതേസമയം, റിമാന്ഡിലായ കണ്ഠരര് രാജീവരെ തിരുവനന്തപുരം മെഡിക്കല് കോളജ് ഐസിയുവില് പ്രവേശിപ്പിച്ചു. ദേഹാസ്വാസ്ഥ്യം അനുഭവപ്പെട്ടതിനെ തുടര്ന്ന് പരിശോധനക്കായി രാജീവരെ തിരുവനന്തപുരം മെഡിക്കല് കോളജില് എത്തിച്ചിരുന്നു. പരിശോധനകള്ക്കു ശേഷമാണ് ഐസിയുവിലേക്ക് മാറ്റിയത്.