ശബരിമല സ്വര്ണക്കൊള്ള: ഉണ്ണികൃഷ്ണന് പോറ്റിയെയും മുരാരി ബാബുവിനെയും എസ്ഐടിയുടെ കസ്റ്റഡിയില് വിട്ടു
കൊല്ലം: ശബരിമല സ്വര്ണക്കൊള്ളക്കേസില് ഉണ്ണികൃഷ്ണന് പോറ്റിയെയും മുരാരി ബാബുവിനെയും എസ്ഐടിയുടെ കസ്റ്റഡിയില് വിട്ടു. കൊല്ലം വിജിലന്സ് കോടതിയുടേതാണ് ഉത്തരവ്. ഇരുവരെയും ഒരുമിച്ചിരുത്തി ചോദ്യം ചെയ്യും.
ദ്വാരപാലകശില്പങ്ങളിലെ പാളികളിലെ സ്വര്ണം കവര്ച്ച ചെയ്ത കേസില് രണ്ടാം പ്രതിയായ മുരാരി ബാബു, സ്വര്ണം പൊതിഞ്ഞ കട്ടിളപ്പാളികള് പുറത്തേക്കുകൊണ്ടുപോയ കേസില് ആറാം പ്രതിയാണ്. മുരാരി ബാബു തട്ടിപ്പിന് പോറ്റിയുമായി ചേര്ന്ന് ഗൂഢാലോചന നടത്തിയെന്നാണ് എസ്ഐടിയുടെ കണ്ടെത്തല്.സ്വര്ണപ്പാളികളിലെ സ്വര്ണം ഉണ്ണികൃഷ്ണന് പോറ്റിയും സംഘവും ഉരുക്കിയെന്ന് ദേവസ്വം വിജിലന്സ് കണ്ടെത്തിയിരുന്നു.