ശബരിമല സ്വര്ണപ്പാളി വിവാദം; 1999ല് സ്വര്ണപ്പാളി, 2019ല് ചെമ്പുപാളി
സ്വര്ണപ്പാളി ചെമ്പായതില് ദുരൂഹത
തിരുവനന്തപുരം: ശബരിമലയിലെ ദ്വാരപാലക ശില്പത്തില് നിന്ന് 2019ല് സ്വര്ണം പൂശാന് ചെന്നൈയില് എത്തിച്ചത് ചെമ്പ് പാളിയാണെന്ന് കണ്ടെത്തല്. മഹസറില് സ്പോണ്സറായി ഒപ്പിട്ടത് ഉണ്ണികൃഷ്ണന് പോറ്റിയാണ്. 1999ല് വിജയ് മല്യ സ്വര്ണം പൂശിയ പാളി എങ്ങനെ ചെമ്പായി മാറിയെന്നതില് ദുരൂഹത.
2019 ആഗസ്റ്റ് 29നാണ് ദ്വാരപാലകശില്പ പാളികള് ഉണ്ണികൃഷ്ണന് പോറ്റി ചെന്നൈയിലെ സ്മാര്ട്ട്സ് ക്രിയേഷന്സ് എന്ന സ്ഥാപനത്തില് എത്തിച്ചത്. സ്വര്ണം പൂശുന്നതിന് മുന്പ് 38,258 ഗ്രാം ചെമ്പ് പാളികളാണ് നേരില് കണ്ടതെന്ന് അന്നത്തെ തിരുവാഭരണം കമ്മീഷണര് ആര് ജി രാധാകൃഷ്ണന് തയ്യാറാക്കിയ മഹസറില് രേഖപ്പെടുത്തിയിട്ടുണ്ട്.
ഈ വര്ഷം ദ്വാരപാലക ശില്പ പാളി സ്വര്ണം പൂശാന് കൊണ്ടുപോയത് വിവാദമായതാണ്. തിരികെ എത്തിച്ചപ്പോള് തൂക്കം കുറഞ്ഞതില് ഉണ്ണികൃഷ്ണന് പോറ്റിക്കെതിരെ ദേവസ്വം വിജിലന്സ് ഉടന് അന്വേഷണം ആരംഭിക്കും.