കണ്ണൂരില് ആര്എസ്എസ് പ്രവര്ത്തകരുടെ നേതൃത്വത്തില് മൃഗബലി നടന്നെന്ന് ഡിവൈഎഫ്ഐ; എസ്പിക്ക് പരാതി നല്കി (വീഡിയോ)
കണ്ണൂര്: ചക്കരക്കല്, മുതുകുറ്റി പ്രദേശത്ത് ആര്എസ്എസ് പ്രവര്ത്തകരുടെ നേതൃത്വത്തില് മൃഗബലി നടത്തിയെന്ന് ഡിവൈഎഫ്ഐ അഞ്ചരക്കണ്ടി ബ്ലോക്ക് കമ്മിറ്റി. ചക്കരക്കല് പ്രദേശത്ത് കലാപ സമാന സംഘര്ഷങ്ങള് അഴിച്ചുവിടാറുള്ള സംഘത്തിന്റെ നേതൃത്വത്തിലാണ് മൃഗബലി നടന്നതെന്ന് ഡിവൈഎഫ്ഐ ചൂണ്ടിക്കാട്ടി. ആടിനെ ഒറ്റവെട്ടിന് കൊല്ലുന്നതും അതിന്റെ ചോര ശരീരത്തില് പുരട്ടുന്നതും വ്യക്തമാക്കുന്ന വീഡിയോയും പുറത്തുവന്നു. മാരക ആയുധങ്ങള് ഉപയോഗിച്ച് നിയമവിരുദ്ധമായി മൃഗബലി നടത്തിയവര്ക്കെതിരെ പോലിസ് നടപടിയെടുക്കണമെന്ന് ഡിവൈഎഫ്ഐ ആവശ്യപ്പെട്ടു. കണ്ണൂര് എസ്പി, എസിപി, ചക്കരക്കല് സിഐ എന്നിവര്ക്ക് പരാതി നല്കിയിട്ടുണ്ട്.