മഴ മുന്നറിയിപ്പ്: തൊടുപുഴ പുളിയന്‍മല റോഡില്‍ രാത്രികാല യാത്രക്ക് നിരോധനം
ഇടുക്കി:കേന്ദ്ര കാലാവസ്ഥാ വകുപ്പിന്റെ മഴ മുന്നറിയിപ്പ് നിലനില്‍ക്കുന്ന സാഹചര്യത്തിലും, ഉരുള്‍പൊട്ടല്‍, മണ്ണിടിച്ചില്‍ സാധ്യത നിലനില്‍ക്കുന്നതിനാലും ഇടുക്കി ജില്ലയില്‍ തൊടുപുഴ പുളിയന്‍മല റോഡില്‍ രാത്രികാല യാത്രക്ക് ഇന്ന് മുതല്‍ വിലക്കേര്‍പ്പെടുത്തി. രാത്രി 08.00 മുതല്‍ രാവിലെ 06.00 വരെയാണ് വിലക്ക്.അടിയന്തിര സാഹചര്യങ്ങളില്‍ യാത്ര ചെയ്യുന്നതിന് ഇളവ് അനുവദിക്കും.
പ്രതിരോധ പ്രവര്‍ത്തനങ്ങളില്‍ ഏര്‍പ്പെട്ടിരിക്കുന്ന ആരോഗ്യം, പോലിസ്, റവന്യൂ സിവില്‍ ദുരന്തനിവാരണം, തദ്ദേശസ്വയംഭരണം,ഫയര്‍ ആന്‍ഡ് റസ്‌ക്യു, സിവില്‍ സപ്ലൈസ്, കേരള വാട്ടര്‍ അതോറിറ്റി, കെഎസ്ഇബി എന്നിവ ഉള്‍പ്പെടെയുള്ള അവശ്യ സര്‍വീസുകളിലെ ജീവനക്കാര്‍ക്ക് ഔദ്യോഗിക ആവശ്യങ്ങള്‍ക്ക് മാത്രം ഈ സമയത്ത് യാത്ര ചെയ്യാം.