സര്ക്കാര് ജീവനക്കാര് ആര്എസ്എസ് പ്രവര്ത്തനങ്ങളില് പങ്കെടുക്കുന്നത് തടയാന് സര്ക്കുലര് പുറപ്പെടുവിക്കണം; സിദ്ധരാമയ്യയ്ക്ക് കത്തെഴുതി പ്രിയങ്ക് ഖാര്ഗെ
ബെംഗളൂരു: സര്ക്കാര് ജീവനക്കാര് ആര്എസ്എസ് പ്രവര്ത്തനങ്ങളില് പങ്കെടുക്കുന്നത് നിരോധിക്കുന്നതുമായി ബന്ധപ്പെട്ട് മുഖ്യമന്ത്രി സിദ്ധരാമയ്യയ്ക്ക് കത്തെഴുതി പ്രിയങ്ക് ഖാര്ഗെ. സര്ക്കാര് ജീവനക്കാര് ആര്എസ്എസ് പ്രവര്ത്തനങ്ങളില് പങ്കെടുക്കുന്നത് തടയാന് നടപടിയെടുക്കാന് സര്ക്കുലര് പുറപ്പെടുവിക്കണമെന്നാണ് ആവശ്യം.
2021 ലെ കര്ണാടക സിവില് സര്വീസസ് (പെരുമാറ്റ) ചട്ടങ്ങളിലെ ചട്ടം 5(1) പ്രകാരം, ഒരു സര്ക്കാര് ജീവനക്കാരനും ഏതെങ്കിലും രാഷ്ട്രീയ പാര്ട്ടിയിലോ രാഷ്ട്രീയത്തില് ഉള്പ്പെട്ടിരിക്കുന്ന ഏതെങ്കിലും സംഘടനയിലോ അംഗമാകുകയോ മറ്റുവിധത്തില് ബന്ധപ്പെടുകയോ ചെയ്യരുതെന്നും അല്ലെങ്കില് ഏതെങ്കിലും രാഷ്ട്രീയ പ്രസ്ഥാനത്തിലോ പ്രവര്ത്തനത്തിലോ പങ്കെടുക്കുകയോ സംഭാവന നല്കുകയോ സഹായം നല്കുകയോ ചെയ്യരുതെന്നും വ്യക്തമായി നിര്ദേശിച്ചിട്ടുണ്ട്.
ഇതൊക്കെയാണെങ്കിലും, സമീപകാലത്ത്, രാഷ്ട്രീയ സ്വയംസേവക സംഘവും മറ്റ് സംഘടനകളും സംഘടിപ്പിക്കുന്ന പരിപാടികളിലും പ്രവര്ത്തനങ്ങളിലും സര്ക്കാര് ഉദ്യോഗസ്ഥരും ജീവനക്കാരും പങ്കെടുക്കുന്നതായി നിരീക്ഷിക്കപ്പെട്ടിട്ടുണ്ട്. അതിനാല്, രാഷ്ട്രീയ സ്വയംസേവക സംഘവും മറ്റ് സംഘടനകളും സംഘടിപ്പിക്കുന്ന പരിപാടികളിലും പ്രവര്ത്തനങ്ങളിലും സംസ്ഥാന സര്ക്കാര് ഉദ്യോഗസ്ഥരും ജീവനക്കാരും പങ്കെടുക്കുന്നത് കര്ശനമായി നിരോധിക്കണം. ഇത് ലംഘിക്കുന്ന ഉദ്യോഗസ്ഥര്ക്കും ജീവനക്കാര്ക്കുമെതിരെ അച്ചടക്ക നടപടി സ്വീകരിക്കുന്ന ഒരു സര്ക്കുലര് പുറപ്പെടുവിക്കണമെന്ന് പ്രിയങ്ക് ഖാര്ഗെ വ്യക്തമാക്കി.