പെരിയ ഇരട്ടക്കൊലക്കേസ്; മുഖ്യപ്രതിയുള്പ്പെടെ രണ്ടുപേര്ക്ക് പരോള്
രണ്ടാം പ്രതി സജി സി ജോര്ജിന് കഴിഞ്ഞദിവസം പരോള് അനുവദിച്ചിരുന്നു
കാസര്കോട്: പെരിയ ഇരട്ടക്കൊലക്കേസിലെ ഒന്നാം പ്രതിയുള്പ്പെടെ രണ്ടുപേര്ക്ക് പരോള്. ഒന്നാം പ്രതി എ പീതാംബരന്, ഏഴാം പ്രതി എ അശ്വിന് എന്നിവര്ക്കാണ് ഒരു മാസത്തേക്ക് പരോള് അനുവദിച്ചത്. ബേക്കല് പോലിസ് സ്റ്റേഷന് പരിധിയില് പ്രവേശിക്കാന് പാടില്ലെന്ന വ്യവസ്ഥയിലാണ് പരോള് നല്കിയിരിക്കുന്നത്.
രണ്ടാം പ്രതി സജി സി ജോര്ജിന് കഴിഞ്ഞദിവസം പരോള് അനുവദിച്ചിരുന്നു. നിലവില് കണ്ണൂരിലെ ബന്ധുവീട്ടിലാണ് സജിയുള്ളത്. കേസിലെ മറ്റൊരു പ്രതിക്കും നേരത്തെ പരോള് അനുവദിച്ചിരുന്നു. അഞ്ചാം പ്രതി ഗിജിന് ഗംഗാധരനും 15ാം പ്രതി ജിഷ്ണു സുരയും പരോളിനായി അപേക്ഷ നല്കിയിട്ടുണ്ട്. അപേക്ഷ സര്ക്കാരിന്റെ പരിഗണനയിലാണ്.
പ്രതികള്ക്ക് ഒരുമിച്ച് പരോള് അനുവദിക്കുന്നതിനെതിരെ കോണ്ഗ്രസ് പ്രതിഷേധവുമായി രംഗത്തുവന്നിട്ടുണ്ട്. പരോളിലൂടെ മുഴുവന് പ്രതികളെയും പുറത്തിറക്കാനുള്ള നീക്കമാണ് സര്ക്കാര് നടത്തുന്നതെന്ന് കോണ്ഗ്രസ് ആരോപിച്ചു.
2019 ഫെബ്രുവരി 17നാണ് പെരിയ കല്യോട്ടെ യൂത്ത് കോണ്ഗ്രസ് പ്രവര്ത്തകരായ ശരത് ലാലിനെയും കൃപേഷിനേയും സിപിഎം പ്രവര്ത്തകര് വെട്ടിക്കൊന്നത്.