കോട്ടയം: പാലാ പ്രവിത്താനത്തെ വാഹനാപകടത്തില് പരിക്കേറ്റ് ചികിത്സയിലായിരുന്ന 12 വയസുകാരിയും മരിച്ചു. അന്തിനാട് സ്വദേശി സുനിലിന്റെ മകള് അന്നമോള് ആണ് മരിച്ചത് മരിച്ചത്. അന്നമോളുടെ അമ്മ ജോമോള് സംഭവ സ്ഥലത്ത് വെച്ചുതന്നെ മരിച്ചിരുന്നു. കഴിഞ്ഞ ദിവസം അന്നമോള് അമ്മ ജോമോള്ക്കൊപ്പം സ്കൂട്ടറില് സഞ്ചരിച്ചപ്പോള് അമിതവേഗത്തില് എത്തിയ കാര് ഇടിക്കുകയായിരുന്നു. അതേ കാറിടിച്ച് മറ്റൊരു സ്കൂട്ടര് യാത്രികയും മരിക്കുകയുണ്ടായി. മേലുകാവുമറ്റം നെല്ലന്കുഴിയില് ധന്യാ സന്തോഷ് (38) ആണ് മരിച്ചത്. പാലാ തൊടുപുഴ റോഡില് മുണ്ടാങ്കല് പള്ളിക്കുസമീപം ചൊവ്വാഴ്ച രാവിലെ 9.20നായിരുന്നു അപകടം. കാര് ഓടിച്ചിരുന്ന വിദ്യാര്ഥി നെടുങ്കണ്ടം ചെറുവിള ചന്തൂസ് ത്രിജിയെ (24) പോലിസ് അറസ്റ്റ് ചെയ്തിരുന്നു.