ഏറ്റുമാനൂര്: പുന്നത്തുറയില് നിയന്ത്രണം വിട്ട 108 ആംബുലന്സ് കാറിലിടിച്ചു മറിഞ്ഞ് നഴ്സ് മരിച്ചു. ഇടുക്കി കാഞ്ചിയാറില്നിന്ന് കോട്ടയം മെഡിക്കല് കോളേജ് ആശുപത്രിയിലേക്ക് രോഗിയെയുമായി പോയ ആംബുലന്സാണ് അപകടത്തില് പെട്ടത്. കട്ടപ്പന സ്വദേശിയായ ജിതിനാണ് മരിച്ചത്. ആംബുലന്സിലുണ്ടായിരുന്ന ഇടുക്കി നെടുങ്കണ്ടം സ്വദേശി ഷിനി, തങ്കമ്മ എന്നിവരെ പരിക്കുകളോടെ കോട്ടയം മെഡിക്കല് കോളേജ് ആശുപത്രിയില് പ്രവേശിപ്പിച്ചു.