കാട്ടുപന്നികളെ ഇനി വെടിവയ്ക്കാം; നിയന്ത്രണ ഉത്തരവ് വനംവകുപ്പ് മരവിപ്പിച്ചു

തിരുവനന്തപുരം: കാട്ടുപന്നികളെ വെടിവച്ചുകൊല്ലുന്നതിന് നിയന്ത്രണം ഏർപ്പെടുത്തിയ വിവാദ ഉത്തരവ് വനം വകുപ്പ് മരവിപ്പിച്ചു. സ്‌പോർട്‌സ് ആവശ്യങ്ങൾക്കോ സ്ഥാപനപരമായ ആവശ്യങ്ങൾക്കോ ഉള്ള ആയുധ ലൈസൻസ് കൈവശമുള്ളവർ കാട്ടുപന്നികളെ വെടിവയ്ക്കുന്നത് വിലക്കിക്കൊണ്ട് വനം വകുപ്പ് നേരത്തെ പുറപ്പെടുവിച്ച ഉത്തരവാണ് വനം മന്ത്രി എ കെ ശശീന്ദ്രൻ താൽക്കാലികമായി മരവിപ്പിച്ചത്.

ഇടുക്കി ജില്ലാ കലക്ടറുടെ ശുപാർശയും ആഭ്യന്തര വകുപ്പിന്റെ അഭിപ്രായവും പരിഗണിച്ചാണ് നിയന്ത്രണം കൊണ്ടുവന്നിരുന്നതെങ്കിലും, ഇത് പ്രായോഗികമല്ലെന്ന വിലയിരുത്തലിനെ തുടർന്നാണ് പുതിയ തീരുമാനം.